Şaredarî û belediye ne şaxên partiyên sîyasî ne. Yên gel û xelkê ne. ji bo xizmetê ji herkesî re bike tu cudatiyê nake nav kesî.

Şaredariya Êlihê ya Demê ya ku dewama HDPê ye li gor van qeyd û bendan tevnegeriya.  Piştî hilbijartinên herêmê qezenç kir dîsa vê saziyê qurbanê fikrûramanên sîyasî dike û ji xizmetê dûr dikeve.

 Ji bo hezkirin û evîna  Pêxember a xelkê Misilmanên Kurd asteng û man’i bike û bernameya mewlûdê nêye kirin, her astengiyê derdixin.

Şaredariya Êlihê ya Demê  tu cewab û bersiv neda taleb û daxwazên însanî yên Weqfa Evîndarên Pêxember ên derheqê bernameya Mewlûda Nebî de.

Serokê Komeleya Evîndarên Pêxember a Êlihê Kenan Çaplik, derheqê mijarê de beyan da û nerazîbûnê xwe nîşanê tewr û helwesta şaredariya Demê da.

Çaplik destnîşan kir, bi deh hezaran kes beşdarê Mewlûda Nebî dibin, beriya bernameyê me hin taleb û daxwazên însanî li şaredariyê kir û me got, bê pere welatiyan bibin qad û meydana bernameya Mewlûda Nebî. Bila cihên lawaboyên seyar bên avakirin. Digel me hefteyek berê murcaatê şaredariyê kir jî, tu bersiv û cewab ji me re nehat dayin. Lê ji me re gotibû wê bersivek niviskî bidin me.

Çaplik nerazîbûnê xwe nîşanê vê helwesta Şaredariya Êlihê ya Demê da û destnîşan kir, ev bernameyan êdî bûne bernameyên xelkê me, tewecuheke mezin ji van bernameyan re tên nîşandan. Divê herkes destek û tevakariyên xwe bidin van beranameyan.(ÎLKHA)