Cemil Cahit Unsal, Koordînatorê Giştî yê Weqfa Êtîman, destpêkirina kampanyayeke alîkariyê ragihand, û bal kişand ser krîza mirovî ya piştî erdheja 6.0 pileyî ku li rojhilatê Efxenistanê pêk hat. Unsal bal kişand ku alîkariya ji bo welatê birayê me wezîfeya însanî ye.

Erdheja bi şîddeta 6.0 pileyî ku şeva 31ê Tebaxê li rojhilatê Efxenistanê çêbûbû, wîlayetên Kunar, Nangarhar, Nûristan, Lagman û Pancshir gelek zirar dîtin.

Piştî felaketa, ku tê de nêzîkî 2.000 kesan canê xwe ji dest dan û bi hezaran kes birîndar bûn, Koordînatorê Giştî yê Weqfa Êtîman Cemil Cahit Unsal banga alîkarîyê kir û bal kişand ser krîza mirovî ya li herêmê.

Unsal diyar kir ku divê gelê Efxenistanê, ku bi çavkaniyên kêm re têdikoşe, bi tenê nemîne, û wan kampanyayek daye destpêkirin ku tê de xwarin, betanî û alîkarîya kon heye.

"Divê welatên cîran û birayên Efxenistanê di vî warî de wezîfeyên xwe yên însanî bicîh bînin"

Unsal got, "Wekî ku hûn dizanin, vê dawîyê li welatê me yê bira, Efxenistanê erdhejek çêbû. Li gorî agahiyên ku heta niha me bidestxistîye, bi qasî 2 hezar kesan canê xwe ji dest dane û bi hezaran kes jî birîndar bûne. Wekî ku hûn dizanin, welatên emperyalîst ji sed salî zêdetir e ku li Efxenistanê îstismara xwe didomînin. Wan her cûre ambargo danîne û her cûre zilm li ser gel kirine. Mixabin, welatê me yê bira, Efxenistan, niha bi çavkaniyên sînorkirî di bin rêveberiya 'Emrîtîya Îslamî' de bi vê erdhejê re micadeleyê. Ji ber vê yekê, divê welatên cîran û bira yên Efxenistanê wezîfeyên xwe yên însanî di vî warî de bicîh bînin. Divê ew di rûbirûbûna vê erdhejê de bi taybetî alîkariya gelê Efxenistanê û Emîrtîya Îslamî ya Efxenistanê bikin."

"Wekî rêxistinên alîkariyê, em ê bi îzna Xwedê çavkaniyên xwe seferber bikin"

Unsal wiha domand, "Wekî rêxistinên alîkarîyê, em ê bi îzna Xwedê hemû çavkaniyên xwe seferber bikin. Wekî Weqfa Êtîman, me ji bo kesên ku ji erdhejê tesîrdar bûne kampanyayek alîkarîyê da destpêkirin û em vê kampanyayê didomînin. Di çarçoveya kampanyaya me de, bi îzna Xwedê, xwarin dê were belavkirin. Betanî û kon jî dê werin belavkirin. Wekî Weqfa Êtîman, li Efxenistanê temsîlkarîyek me heye û temsîlkarê me niha bi awayekî dijwar van hewldanên alîkariyê li ser erdê dimeşîne. Bi heman awayî, ekîbên me yên alîkarîyê, bi îzna Xwedê, dê çalakiyên xwe li herêmê bidomînin. Wekî weqf, em ê hemû çavkaniyên ku di destê me de ne ji bo gelê bira yê Efxenistanê seferber bikin. Em bi taybetî ji gelê xwe yê dilovan û xêrxwazan dixwazin ku destê alîkariyê dirêjî birayên me yên ku ji vê erdhejê tesîrdar bûne li Efxenistanê bikin. Em ê wekî her carê pabendbûna xwe ya bi vê mijarê re bidomînin."

Di dawiyê de, Unsal got, "Em dua dikin ku Xwedê rehma xwe li xwişk û birayên me yên ku di erdhejê de canê xwe ji dest dane bike; sersaxî û sebirê xwe ji malbatên wan re dixwazin; û ji bo birîndaran jî şifayek bilez dixwazin." (ÎLKHA)