Xwedîdozvanekî dinê jî rehmet kir
Xwedîdozvan Sabahatîn Alkanê ku ji ber xebatên xwe yên Îslamî di encama darizandina 28ê Sibatê de mecbûr ma ku çû hîcretê rehmet kir. Alkan jiyanek dirêj a zindanê kişand û dûre jî salên wî yên muhacirî dest pê kir û herî dawîn jî xeberek êş û elem hat.
Ji Sabahattîn Alkanê ku di salên 1990îyan de li Dîyarbekirê xebatên xwe yên Îslamê dikir û ji ber vê xebata xwe dûçarê zext û zordarîya ku di pêvajoya 28ê Sibatê de dihat kirin bû û ket zindanê û dûre jî jiyanek muhacirî jiya, niha jî xeberek bi êş hat.
Alkanê ku bi xwedîdozvanî, rastî, teslîmîyetî, bisebr û şexsîyetekî biryardar dihat naskirin, bi derbaskirina krîza dil wefat kir.
Cenazeyê Sabahattîn Alkan, ji alîyê xizm û hevaldozên wî ve hat pêşwazîkirin. Cenazeyê Alkan li goristana Yenîkoyê ya Dîyarbekirê hat şûştin û li wê derê nimêja wî ya cenazeyê hat kirin.
Dûre jî cenazeyê Alkan ji li wê derê hat girtin û gundê Qerekîlîs a ku li wê derê jidayîkbûbû hat definkirin.
Merhûm Alkan, di sala 1970î de li gundê Qerekîlîs a Dîyarbekirê jidayîk bû.
Alkan di emrê xwe yê ciwanî de bi doza Îslamê re xwe nas kir û ji Îslamê re gelek xizmetan kir. Di çarçoveya zor û zehmetîya ku di pêvajoya 28ê Sibatê de li dijî nasnameya Îslamî dihat kirin de di sala 1997an de li dijî wî jî dozek hatibû vekirin û ji ber vê dozê di sala 2000an de ket zindanê.
Alkan heta sala 2011an li girtîgehên ji tîpa Fyê ya Kandira û Eskîşehîrê ma, û di çarçoveya Maddeya 102yemîn a CMKyê di sala 2011an de hat tehlîyekirin.
Sabahattîn Alkan di demek pir kin de derheqê wî de dîsa biryara qefaltinê hat derxistin û vê carê jî jiyanek muhacirî dest pê kir û hîcret kir. Ew bû 15 sal e li hîcretî bû û niha jî xebera Wî ya wefatê hat, ji ber vê xeberê xizmên wî û hevaldozên wî gelek xemgîn bûn.
Sabahattîn Alkan zewicandîbû û 3 jê qîz 2 jê kur tev de 5 zarokên wî hebûn. Tezîyeya Sabahattîn Alkan li mala şînê ya Orhan Ayaz a ku li navçeya Kayapinarê ya Dîyarbekirê re hat danîn. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Otobûseke şaredariyê ya ku li ser rêya Farqînê ya li Dîyarbekirê veguhestina rêwîyan pêk dianî, li ser rêyeke ku ji ber baranê şemitok bûbû qeza kir. Dema ku otobûs li dîwarê parastinê ket, herî kêm 7 rêwî birîndar bûn.
Midûrtîya Giştî ya Meteorolojîyê, ji ber hewaya xerab a ku li seranserê welat tesîra xwe zêde kirîye ji bo roja Pêncşemê hişyarîya “qoda zer” li 32 bajaran kir.
Li navçeya Kayapinar a Dîyarbekirê, di dema tevgerê de agir bi wesayîtekê ket û 2 kes birîndar bûn. Hewldanên vemirandina agir ji ber rijandina LPGê asteng bûn û rê ji trafîkê re hat girtin.