یەکێتی زانایان و قوتابخانە ئیسلامییەکان (إتحاد العلماء) ٩هەمین دیداری زانایان لە دیاربەکر رێکدەخات.

یەکێتی زانایان و قوتابخانە ئیسلامییەکان (إتحاد العلماء) وەک هەموو ساڵێک ئەمساڵیش دیداری زانایان لە دیاربەکر رێکدەخات. تەوەری ئەمساڵی دیدارەکە "تۆفانی ئەقسا و بەرپرسیارێتی زانایان (غەززە شەرەفی ئوممەت)" دەبێت.

مەلا محەمەد ئۆزەر سکرتێری گشتیی إتحاد العلماء لە سەبارەت بە رێکخستنی ٩هەمین دیداری زانایان راگەیەندراوێکی بڵاو کردەوە.

ناوبراو ئاماژەی بەوە کرد کە لە ساڵی ٢٠١٥ەوە هەموو ساڵێک لە مانگی تشرینی یەکەم بە بەشداری ژمارەیەکی زۆر زانا لە تورکیا، عێراق، ئێران، سوریا، فەلەستین، میسڕ، ئەفغانستان، قەتەر، لوبنان، سوودان، ئوردن و وڵاتانی دیکە "دیداری زانایان" رێکدەخەن و دواتر وتی، "بەرنامەی ئەمساڵمان لە ٥-٦ی تشرینی یەکەمی ٢٠٢٤ بە تەوەری 'تۆفانی ئەقسا و بەرپرسیارێتی زانایان (غەززە شەرەفی ئوممەت)' لە هۆڵی کۆنفراسنی مزگەوتی سەلاحەدین ئەیوبی لە دیاربەکر بەڕێوە دەچێت."

ناوبراو لە بەردەوامی وتی، "رۆژەڤی ٩مین دیدارەکەمان قودس کە سەدەیەکە لە ژێر داگیرکەری رژێمی تیرۆری سەهیۆنیدایە و کۆمەڵکوژییەکانی کە نزیکەی ساڵێکە بێ راوەستان بەردەوامە دەبێت. لەسەر بنەمای ئەو ڕاوێژانەی کە لەلایەن دەستەی ڕێکخستنمان لەگەڵ زانایان ئەنجام دەدرێت، تۆفانی ئەقسا' بە وردی دەخرێتەڕوو، بەرپرسیارێتی ئوممەت و زانایان ئاشکرا دەکرێت، زانایانیش لە بەیاننامەی کۆتاییدا پێشنیارەکانیان لەگەڵ ڕای گشتیدا دەخەنە ڕوو کە بۆچوون و پێشنیارەکانیان بۆ چارەسەرکردن ئاشکرا دەکات."

مەلا محەمەد ئۆزەر لە کۆتاییدا داوای کرد کە بەرنامەکە ببێتە وەسیلەی خێر و چارەسەری کێشەکانی جیهانی ئیسلام.(İLKHA)