بەڕێوەبەری گشتیی وەبەرهێنانی دهۆک ڕایگەیاند، "لە ساڵی ۲۰۰٦ەوە تا ئێستا مۆڵەت بە ۳٦٥ پڕۆژەی وەبەرهێنان لە سنووری پارێزگاکەدا دراوە."

دکتۆر هەڤاڵ سدیق، بەڕێوەبەری گشتیی وەبەرهێنانی دهۆک لە لێدوانێکدا ڕایگەیاند، "لە سەرەتای دەرچوونی یاسای وەبەرهێنان لە ساڵی ۲۰۰٦ تا ئێستا، لە سنووری پارێزگای دهۆک مۆڵەت بە ۳٦٥ پڕۆژەی وەبەرهێنان دراوە."

بەڕێوەبەری گشتیی وەبەرهێنانی دهۆک ئەوەشی خستەڕوو کە پڕۆژەکانی وەبەرهێنان لە هەڵکشانداندایە و وتی، "لە سەردەمی هاتنی ڤایرۆسی کۆڕۆنا لە ساڵی ۲۰۱۹دا، تەنیا ٢ مۆڵەت بە پڕۆژەکان درابوو، بەڵام لە ساڵانی دواتردا ئاستی مۆڵەتپێدان بە شێوەیەکی بەرچاو زیادی کردووە و تا ئێستاش ڕەوتەکە بەردەوامە."

هەڤاڵ سدیق جەختی لەوە کردەوە کە "هەمەجۆرکردنی سێکتەرەکان یەکێکە لە ستراتیژییە سەرەکییەکانی حکوومەتی هەرێمی کوردستان، لەبەر ئەوە ئەرکی ئەو پڕۆژانەی مۆڵەتیان پێدراوە لە بواری جیاواز و ستراتیژیدان. گەشەسەندنی کەرتی وەبەرهێنانیش کاریگەریی ڕاستەوخۆی لەسەر بەهێزکردنی ژێرخانی ئابووریی پارێزگاکە هەبووە و ژمارەیەکی بەرچاو لە هاووڵاتیانی ناوچەکە بوونەتە خاوەنی هەلی کاری بەردەوام."(İLKHA)