تالیبان: لەگەڵ ئەمریکا ڕێکەوتبووین
سوهەیل شاهین وتەبێژی ئۆفیسی سیاسی تالیبان لە قەتەر وتی: لەگەڵ ئەمریکا سەبارەت بە ئاشتی ڕێکەوتبووین، بەرواری واژۆ کردنی ڕێکەونەکەش دیاری کرابوو.
شاهین باسی لەوە کرد، گەشتنە نزیکەی کۆتای ئەو دانوستانەی نزیکەی ساڵێکە بەردەوامە، وتی: کاتێک گەشتبووین کۆتای ڕاگەیەندراوی ترامپ بۆ ڕاوەستاندن بووە هۆکاری تەعەجوبی ئێمە.
شاهین لە بەردەوامی باسی لەوە کرد، هێرشی ئاسمانی ئەمریکا بۆ سەر تالیبان بەردەوامە و ئەمریکای کە داوا لە تالیبان دەکات هێرشەکان بوەستێنێت دەبێت بە خۆی هێرشەکان بوەستێنێت.
دۆنالد ترامپ سەرۆکی ئەمریکا لە ٨ی ئەیلوول بەهۆی هێرشێک لە شاری کابول کە لە ئەنجامیدا سەربازێکی ئەمریکیش کوژرابوو ڕاوەستاندنی دانوستانەکانی ئاشتی ڕایگەیاندبوو.(İLKHA)
