شەڕ و پێکدادانەکانی نێوان ڕژێم و ئۆپۆزسیۆن لە سوریا توندتر بوو
13 oC
13 oC
Güneşli
13 oC
Güneşli
لە کاتێکدا کە پێکدادانەکانی نێوان رژێم و هێزەکانی ئۆپۆزسیۆن لە باکووری سووریا بەردەوامە لە توندتربوون، باس لەوە دەکرێت کە ئۆپۆزسیۆن یەک کیلۆمەتر لە ناوەندی شاری حەلەبەوە دوورە.
ئەو هێرشانەی کە لەلایەن گروپە ئۆپۆزسیۆنەکانەوە دژی رژێمی سوریا دەستیپێکردووە بەردەوامن کە رایانگەیاندووە "لە چەند هەفتەی رابردوودا وەڵامی زیادبوونی هێرشەکانی هێزە ئاسمانییەکانی رووسیا و سوریایان داوەتەوە بۆ سەر هاوڵاتیانی مەدەنی لە باشووری ئیدلب."
راگەیەندرا کە گروپە ئۆپۆزسیۆنەکان کە لە هێرشەکانی ٢٧ی ئەم مانگەدا هەندێک شارۆچکەی نزیک حەلەبیان کۆنترۆڵکردووە، تەنها ١٠ کیلۆمەتر لە شاری حەلەبەوە دوورن.
باس لەوە دەکرێت کە ئۆپۆزسیۆن کە هاوکات هێرشی کردە سەر فڕۆکەخانەی سەربازی نەیرەب لە ڕۆژهەڵاتی حەلەب، بەشێک لە گوند و شارۆچکەکانی ناوچەکەیان کۆنترۆل کردووە.
ڕۆژی ٢٨ی ئەم مانگە بانگەشەی ئەوە کرا کە ئۆپۆزسیۆن ڕێگای خێرای ئێم ٥ی نێوان حەلەب و دیمەشقی پایتەختی لە نزیک شارۆچکەی زەربە کە ١٥ کیلۆمەتر لە باشووری ڕۆژئاوای شاری حەلەبەوە دوورە و یەکتربڕینی ڕێگای خێرای ئێم ٥ و ئێم ٤ لە نزیک سەراقیبە کۆنترۆڵ کردووە.
یەکگرتنی ڕێگاوبانەکانی ئێم ٥ و ئێم ٤ سەرەتا دیمەشقی پایتەخت بە لازقیە و دواتر بە حەلەب دەبەستێتەوە.
ئەمڕۆش باس لەوە کرا کە هێزەکانی ئۆپۆزسیۆن کە گوایە گرد و ناوچە گرنگەکانی ستراتژیکیان لە لادێکانی حەلەب گرتووە، تەنیا یەک کیلۆمەتر لە ناوەندی شاری حەلەبەوە دوورن.
ئۆپۆزسیۆن کە بەشێکی زۆری شاری ئیدلب و ناوچە بچووکەکانی پارێزگاکانی حەلەب و لازقیە و حەمای دراوسێی کۆنترۆڵکردووە، رژێمی سوریا بەوە تۆمەتبار دەکات بەوەی کە هەوڵدەدات دەست بەسەر ناوچەکانی ژێر دەسەڵاتی ئۆپۆزسیۆن لە نزیک سنووری تورکیادا بگرێت بە سودوەرگرتن لەو ژینگە ململانێیەی کە هەیبووە لە ٧ی تشرینی یەکەمی ٢٠٢٣ەوە لە ناوچەکەدا بەردەوامە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
باسم نەعیم یەکێک لە ڕابەرانی بزووتنەوەی خۆڕاگری ئیسلامی حەماس ڕاگەیاند کە رژێمی داگیرکەر بەوەی کە گوایە دانوستانەکان دووبارە دەستیان پێکردووە هەموو کەس فریو دەدات و ئامانجەکەی شارندەوەی تاوانەکان و پلانەکانییە.
حەماس ڕایگەیاند کە ئۆپڕاسیۆنە پاڵەوانانەکەی دەروازەی کەرامە، پەیامێکی ڕوونە بەوەی کە سیاسەتەکانی ڕژێمی زایۆنی کە لەسەر بنەمای کۆمەڵکوژی لە کەرتی غەززە.
رەجەب تەیب ئەردۆغان سەرۆک کۆماری تورکیا پێشوازی کرد لە مەحمود عەباس سەرۆکی بزووتنەوەی ئەلفەتحی فەلەستین و لە کۆشکی سەرۆکایەتی کۆماری کۆبوونەوەیەکیان ئەنجام دایەوە.
کەتائیبی عیزەدین قەسام، لقی سەربازی حەماس، هۆشدارییەکیان بۆ سوپای داگیرکەر بڵاوکردەوە و ڕایگەیاند، غەززە نابێتە ئامانجێکی ئاسان بۆ سوپاکەتان.
