هێزەکانی داگیرکەر لە باشووری لوبنان تەقینەوە و تۆپبارانیان ئەنجام دا، هاوکات فڕۆکەی بێفڕۆکەوانی بەرزی نزمیان بەسەر بەیرووتی پایتەخت و دەوروبەری باشووری لوبناندا فڕی.

بەگوێرەی ڕاپۆرتی هەواڵدەریی فەرمیی لوبنان، هێزە داگیرکەرەکان تەقینەوەیەکی کۆنترۆڵکراویان لە شارۆچکەی دێر سیریان لە باشووری ئەو وڵاتە ئەنجام داوە. دەوترێت تەقینەوەی هاوشێوە لە ناوچە جیاوازەکانی سەر سنوور بەردەوام بووە.

گردی عەلی تاهیر لە نزیک شارۆچکەی نەباتیە ئەلفەوقە بە تەقەمەنی ڕووناککەرەوە کرایە ئامانج. بەهۆی تۆپبارانەکەوە ئاگر لە ناوچەکە کەوتەوە.

لەلایەکی دیکەوە سەرچاوە خۆجێییەکان باسیان لەوە کردووە کە فڕۆکە بێ فڕۆکەوانەکانی سەر بە هێزەکانی داگیرکەر لە کاتژمێرەکانی بەیانیەوە بە بەرزایی زۆر نزم بەسەر بەیرووت و دەوروبەری باشووری ئەو شارەدا دەسوڕێنەوە.

بنیامین ناتانیاهۆ بەناو سەرۆک وەزیرانی رژێمی داگیرکەر و ئیسرائیل کاتز بەناو وەزیری بەرگری، لە بەیاننامەیەکی هاوبەشدا ئیدیعایان کرد کە سوپا تونێلەکانی ژێر قەڵای شەکیفیان تێکشکاندووە.(İLKHA)