پارتی ئایندە (گەلەجەک)ی تورکیا کە ساڵی ٢٠١٩ بە سەرۆکایەتی ئەحمەد داوودئۆغلو سەرۆک وەزیرانی پێشووی تورکیا دامەزرا خۆی هەڵوەشاند.

کۆنگرەی حیزبەکە بە بەشداری ١٨٠ نوێنەری حیزبەکە لە بارەگای گشتی حیزبەکە بەڕێوەچوو. لە ئەنجامی دەنگدانەکەدا ١٦٤ نوێنەر دەنگی پشتیوانیان لە هەڵوەشاندن دایەوە و ١٦ نوێنەری دەنگی نەخێریان دایەوە.

دوای دەنگدانەوەکە پارتی ئایندە بە شێوەی یاسایی کۆتایی بە چالاکییەکانی خۆی هێنا.

حیزبەکە سەبارەت بە بڕیاری هەڵوەشاندنی خۆی ڕایگەیاند، "ئێمە کە بە دڵسۆزی و کەرامەت و حەماسەتێکی زۆرەوە پارتی ئایندەمان دامەزراند، ئەمڕۆش بە هەمان دڵسۆزی و کەرامەت و عەقڵی ساغ و ئیرادەی باو و شەرەفەوە دادەیخەین. ئەو بڕیارەی ئەمڕۆ دەیدەین، تەسلیمبوون نییە؛ پابەندبوونە بە پاراستنی ئەو بەهایانەی باوەڕمان پێیانە و بناغەی ئەخلاقی سیاسەت! سوپاس و پێزانینی خۆمان ئاراستەی هەموو هەڤاڵان و هاووڵاتیانمان دەکەین کە لە دامەزراندنی ئێمەوە تا ئەمڕۆ پاڵپشتی دۆزی ئێمە بوون، بەتایبەتی سەرۆکەکەمان بەڕێز ئەحمەد داوودئۆغلو."

پارتی ئایندە لە ١٢ی کانوونی یەکەمی ساڵی ٢٠١٩ لە لایەن ئەحمەد داوودئۆغلو سەرۆک وەزیرانی پێشووی تورکیا کە لە ئاک پارتی جیابوبوو دامەزرابوو.(İLKHA)