لە وڵاتی زیمبابۆی لە ئەنجامی ڕووداوێکی هاتوچۆی توند لە نێوان مینیپاسێک و بارهەڵگرێک ٢٧ کەس گیانیان لەدەستدا.

پۆڵ نیاتی وتەبێژی پۆلیسی هەولێر ڕایگەیاند، ڕووداوەکە لە نزیکەی شارۆچکەی چیڤۆ ڕووی داوە و لە ئەنجامی ڕووداوەکەدا ٢٧ کەس گیانیان لەدەستداوە.

نیاتی ڕوونیکردەوە کە ئەو کەسانە کە ئەندامی مەزهەبێکی مەسیحی ئەفریقای ناوخۆیی بوون کە بە جلوبەرگی سپییان ناسراون، بە مینی پاس گەشتیان بۆ کۆنفرانسێک دەکرد.

بەگوێرەی زانیارییەکان، ڕووداوەکە لەکاتێکدا بووە کە بارهەڵگرێک ویستوویەتی بە ئۆتۆمبێلێکی دیکەدا تێپەڕێت و خۆی کێشاوە بە مینیپاسێک کە لە ئاراستەی پێچەوانەوە هاتبوو.

کەناڵی تەلەفزیۆنی دەوڵەتی ZBC News بە پشتبەستن بە وەزیرێکی پارێزگا بڵاویکردەوە، ٢٣ کەس لە شوێنی ڕووداوەکە گیانیان لەدەستداوە و هەندێکی دیکەش لە نەخۆشخانە گیانیان لەدەستداوە.

بەپێی زانیارییەکان، مینی پاسەکە دوای پێکدادانەکە ئاگری گرتووە و بەتەواوی سووتاوە و تەنها پاشماوەکانی ماوەتەوە. میدیا ناوخۆییەکان وێنەی داروپەردووەکانیان بڵاوکردۆتەوە.

نیاتی وتەبێژی پۆلیسی پارێزگاکە ڕایگەیاند، تا ئێستا ژمارەی سەرنشینانی مینی پاس و بارهەڵگرەکە نەزانراوە.(İLKHA)