ئێران ڕایگەیاند کە فڕۆکەیەکی بێفڕۆکەوانی ئەمریکی MQ-9 Reaper لە ڕۆژهەڵاتی گەرووی هورمز خستۆتە خوارەوە.

ئاژانسی هەواڵی فارسی ئێران بڵاویکردەوە، "چەند خولەکێک لەمەوبەر فڕۆکەیەکی بێفڕۆکەوان "MQ-9" دوای ئەوەی کەوتە بەر تەقەی سیستەمی بەرگری ئاسمانی پێشکەوتووی سەر بە سوپای پاسدارانی ئێران، خرایە خوارەوە.

هەروەها دوێنێ سوپای پاسدارانی ئێران هەواڵی خستنەوە خوارەوەی فڕۆکەیەکی جۆری MQ-9ی ئەمریکی لە سەر گەرووی هورمزی ڕایگەیاند.

ڕۆژنامەی واشنتۆن پۆست لە ١٣ی ئابدا بڵاویکردەوە، ئەمریکا لانیکەم ٤٥ فڕۆکەی بێفڕۆکەوانی MQ-9 Reaper لەدەست داوە، کە لە کاتی شەڕی لەگەڵ ئێراندا بە شێوەیەکی زۆر بەکاریان هێناوە، بەتایبەتی لە دەوروبەری گەرووی هورمز.(İLKHA)