نائیل ئەبو عوبەید، فەرماندەی لیوای رەفەح لە کەتائیبی عیزالدین ئەلقەسام، باڵی سەربازی بزووتنەوەی حەماس لە هێرشی داگیرکەرانی سەهیۆنی بۆ سەر خان یونس لە باشووری کەرتی غەززە شەهید بوو.

سەرچاوە فەلەستینییەکان ڕایانگەیاند کە نائیل ئەبو عوبەید، فەرماندەی لیوای رەفەح لە کەتائیبی قەسام لە هێرشی داگیرکەرانی سەهیۆنی لە باشووری کەرتی غەززە شەهید بووە.

کەتائیبی قەسام شەهیدبوونی ئەبو عوبەیدیان پشتڕاستکردەوە و بە "فەرماندەی لیوای رەفەح" ناوی برد. بەگوێرەی سەرچاوە نزیکەکانی حەماس، ئەبو عوبەید ناسراو بە "ئەبو عەتییە" لە هێرشێکدا لە ناوچەی مەواسی ڕۆژئاوای خان یونس کراوەتە ئامانج.

ڕاگەیەندرا کە ئەبو عوبەید لە کاتی شەڕدا فەرماندەیی لیوای رەفەحی دوای شەهیدبوونی محەمەد شەبانە وەرگرتووە.

لە بەیاننامەیەکی هاوبەشی بنیامین نەتانیاهۆ، بەناو سەرۆک وەزیرانی رژێمی سەهیۆنی و بەناو وەزیری بەرگری ئیسرائیل کاتز، ڕاگەیەندرا کە فەرماندەی لیوای رەفەحی کەتائیبی قەسام کراوەتە ئامانج.

نەتانیاهۆ و کاتز ڕایانگەیاندووە کە هێرشەکە چەند ڕۆژێک دوای شەهیدبوونی محەمەد عەبدولسەلام ئەلیزوری فەرماندەی لیوای خان یونس و بەئامانجگرتنی چەند کەسایەتییەکی پلە باڵای حەماس بووە.

شەهیدبوونی ئەبو عوبەید دوای هێرشەکانی ئەم دواییە دێت کە ئەندامانی کەتائیبی قەسام و بزووتنەوەی جیهادی ئیسلامییان کردە ئامانج.

هەروەها محەمەد عەبدولسەلام ئەلیازوری، فەرماندەی لیوای خان یونسی قەسام، لە ١٠ی ئەیلولدا لە هێرشێکدا بۆ سەر ناوچەی مەواسی ڕۆژئاوای خان یونس شەهید بوو.(İLKHA)