هێرشە بەربڵاوەکانی داگیرکەرانی سەهیۆنی بۆ سەر کەناری ڕۆژئاوا
13 oC
13 oC
Güneşli
13 oC
Güneşli
بەرەبەیانی ڕۆژی پێنجشەممە چەندین ناوچە لە کەناری ڕۆژئاوا گۆڕەپانی دەستدرێژییەکانی سەربازانی سەهیۆنی بوو، لەوانە هەڵکوتانە سەر، دەستبەسەرکردن، تێکهەڵچوون و تەقەکردن بە فیشەکی جەنگی و گازی فرمێسکڕێژ.
بە پێی ڕاگەیەندراوێکی ناوەندی ڕاگەیاندی فەلەستین، لە قەلقیلیە، لە میانەی هێرشی داگیرکەرانی سەهیۆنی بۆ سەر ئەم شارە تێکهەڵچوون ڕوویدا کە تێیدا تەقەمەنیی جەنگی، بۆمبی دەنگی و گازی فرمێسکڕێژ بەکارهێنرا، لە کاتێکدا پێنج هاووڵاتی بەهۆی بەرکەوتنی فیشەکەوە بریندار بوون و دە کەسی دیکەش بەهۆی گازەوە تووشی خنکان بوون.
هەروەها داگیرکەرانی سەهیۆنی هێرشیان کردە سەر دوکانێک لە گەڕەکی ئەلقورئان و شارۆچکەکانی حەجە و قەریووت و هەڵیانکوتایە سەر چەندین ماڵ لە حەجە و قەریووت.
لە نابلوس، هێزەکانی داگیرکەر بە بەکارهێنانی ئۆتۆمبێلی زرێپۆشی ئەیتان لە بازگەی دەیرشەرەفەوە هەڵیانکوتایە سەر شارەکە. هەروەها هێرشیان کردە سەر کەمپی ئەلعەین و هەڵیانکوتایە سەر چەندین ماڵ و لە ڕێگەی بڵندگۆوە داوایان لە دانیشتووان کرد ماڵەکانیان لە شەقامی ئەلسیکە چۆڵ بکەن.
ئەم هێزانە فیشەکی جەنگییان بە ئاراستەی گەنجان تەقاند، ژنێکیان دەستبەسەر کرد و ماڵێکیان گۆڕی بۆ سەربازگەیەک.
هەروەها هەڵیانکوتایە سەر گوندی قەریووت، لە کاتێکدا شارۆچکەنشینە سەهیۆنییەکان هەڵیانکوتایە سەر گوندی ئاوەرتا و لە مەزارگەی ئەلعوزەیر ڕێوڕەسمی تەلموودییان بەڕێوە برد.
لە جەنین، هێزەکانی سوپای رژێمی داگیرکەری سەهیۆنی هێرشیان کردە سەر شارۆچکەکانی سیلات ئەلحارسیە، زەبابدە و یەعبەد و هەڵیانکوتایە سەر چەندین ماڵ لە زەبابدە و یەعبەد و براکان، کەرەم و جوود ڕەفیق بەدارنەیان لە یەعبەد دەستبەسەر کرد.
توولکەرمیش گۆڕەپانی دەستدرێژییەکانی سەربازانی سەهیۆنی و هێرشکردنە سەر شارۆچکەکانی عەلار و سەیدا بوو، سەربازانی سەهیۆنی لەم شارەدا هەڵیانکوتایە سەر ماڵە فەلەستینییەکان و دەستیان بە دەستبەسەرکردن کرد و دوو ماڵیان گۆڕی بۆ سەربازگە و هەڵیانکوتایە سەر شارۆچکەی بەلعا لە باکووری شارەکە.
لە ڕامەڵڵاش داگیرکەرانی سەهیۆنی هەڵیانکوتایە سەر شارۆچکەکانی بیرزەیت و کووبەر و لە کووبەر دەستیان بە هەڵکوتانە سەر و دەستبەسەرکردنی بەربڵاو کرد، ئەمە لە کاتێکدایە کە هێزەکانی سوپای رژێمی داگیرکەری قودس هەڵیانکوتایە سەر باڵەخانەیەکی نیشتەجێبوون لە گەڕەکی ئەلمەسایف لە شارۆچکەی ئەلبیرە و دوای هەڵکوتانە سەر ماڵی عەلا ئەلڕیماوی پەیامنێر، دەستبەسەریان کرد.
هەروەها داگیرکەرانی سەهیۆنی هەڵیانکوتایە سەر کەمپی شوعفات و شارۆچکەی عەناتە لە باکووری ڕۆژهەڵاتی قودسی داگیرکراو و هێرشیان کردە سەر چەندین ماڵ، هەروەها ئەم دەستدرێژیکارانە هەڵیانکوتایە سەر ناوچەی باشووری خەلیل و شارۆچکەی حەلحوول لە باکووری پارێزگاکە و هێرشیان کردە سەر چەندین ماڵ و باڵەخانەیەک لەم شارەدا.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بانگەشەی ئەوە کراوە کە فڕۆکەیەکی جەنگی ئێف ١٥ی سعوودی لە ئاسمانی مەئریب خراوەتە خوارەوە و وێنە بڵاوکراوەکانیش ئاڵای سعودیە و ژمارە ٥٥٣٩ لەسەر داروپەردووەکە دەردەخەن. تا ئێستا حکومەتی ڕیاز هیچ لێدوانێکی نەداوە.
لە ئەنجامی هێرشەکانی رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە لە کەرتی غەززە گەشتە ٧٣ هەزار و ٨٢١ کەس و ژمارەی بریندارەکانیش گەشتە ١٧٤ هەزار و ٨٩٧ کەس.
٩٥ ساڵ بە سەر شەهید بوونی عومەر موختار ناسراو بە شێری بیابان تێپەڕی کە لە بەرامبەر داگیرکەریی ئیتالیا خۆڕاگریێکی گەورە ئەنجام دا.
