حەماس، بڕیاری حکوومەتی ئەمریکای بۆ نەدانی ڤیزەی چوونەژوورەوە بە شاندی فەلەستینی بەرەو نیویۆرک بە مەبەستی بەشداریکردن لە دانیشتنی کۆمەڵەی گشتیی نەتەوە یەکگرتووەکان، سەرکۆنە کرد.

حازم قاسم، وتەبێژی بزووتنەوەی خۆڕاگریی ئیسلامیی سەبارەت بە بڕیاری ئەمریکا بۆ نەدانی ڤیزەی چوونەژوورەوەی بە شاندنی فەلەستینی وتی، "ئەم هەنگاوە بۆ دووەم ساڵی لەسەریەک دەگیرێتە بەر و پێشێلکردنی ئاشکرای ئەو ڕێسا و ڕێککەوتننامە نێودەوڵەتییانەیە کە پەیوەستن بە چالاکییەکانی بارەگای نەتەوە یەکگرتووەکان."

قاسم ئەوەشی خستە ڕوو کە "ئەم بڕیارە نیشاندەری بەردەوامبوونی سیاسەتی لایەنگریی تەواوەتیی ئەمریکایە لە رژێمی سەهیۆنی و هەوڵێکیشە بۆ ڕێگریکردن لە گەیاندنی گێڕانەوە و هەڵوێستەکانی فەلەستینییەکان بە کۆمەڵگەی نێودەوڵەتی."(İLKHA)