Supaya Pasdarên Şoreşa Îranê ragihand ku wan di çarçoveya Operasyona Nasr-2 de baregeha El Tanf a Amerîkî li Sûrîyeyê kiriye hedef û hejmareke mezin ji leşkerên Amerîkî kuştine.

Li gorî Ajansa Nûçeyan a Mehrê, Artêşa Pasdarên Şoreşê di çarçoveya Operasyona Nasr-2 de li dijî navendeke fermandariya operasyonên taybet ên Emrîkayê li herêma el-Tenfê ya Sûrîyeyê êrîşeke ji nişka ve pêk anî.

Muhafizên Şoreşê di daxuyaniyek çapemeniyê de diyar kirin ku ev operasyon ji bo tolhildana leşkerên ku li herêma Bampur a Îranşarê şehîd bûne hatiye kirin.

Di daxuyaniyê de hat destnîşankirin ku di vê êrîşê de, ku ji teref hêzên fezayî ve wekî beşek ji pêla yanzdehemîn a Operasyona Nasr-2 hatiye kirin, sîstemeke radarê ya leşkerî ya Amerîkî û gelek helîkopterên ku di operasyonên taybet de dihatin bikaranîn hatine îmhakirin.

Herwiha di daxuyaniyê de hatiye gotin ku di encama vê operasyonê de hejmareke zêde ya leşkerên Amerîkî jî hatine kuştin.

Muhafizên Şoreşê dubare kirin ku hêzên wan tevahiya Tengava Hurmuzê kontrol dikin û tekez kirin ku şandina petrol û gaza xwezayî heya ku Emrîka "çalakiyên xwe yên xerab" bidomîne ji herêmê ew ê were rawestandin. (ÎLKHA)