Ji 7ê Cotmeha 2023an vir ve li Xezzeyê êrîşên ku dest pê kirin, hejmara kuştiyan gihîştiye 73.098an, hejmara birîndaran jî gihîştiye 173.571an. Di êrîşên îro de jî şeş kes şehîd bûn.

Wezareta Tenduristiyê ya Xezzeyê ragihand ku di bîst û çar saetên dawî de pênc şehîd û heft birîndar bûne û hejmara qurbaniyên êrîşên dagirkeriyê jî zêde dibe.

Wezaretê ragihand ku sê şehîdên nû li navnîşê hatine zêdekirin, û du cenazeyên din ji bin xirbeyan hatine derxistin, û da zanîn ku şert û mercên meydanî gihîştina qurbaniyan dijwar dike.

Wezaretê destnîşan kir ku ji ber rewşa ewlehiyê û dijwarbûna xebata meydanî û ji ber ku ekîbên ambûlans û parastina sivîl hêna jî nekarîne bigihîjin wan gelek qurbanî hêna jî di bin kavilan de û li kolanan in.

Li gorî daxuyaniyê, piştî agirbesta 10ê Cotmehê, hejmara şehîdan gihîştiye 1072an, hejmara birîndaran gihîştiye 3463an û 799 cenaze ji bin xirbeyan hatine derxistin.

Ji 7ê Cotmeha 2023an vir ve, ji destpêka êrîşan ve, hejmara şehîdan gihîştiye 73.098an, hejmara birîndaran jî gihîştiye 173.571an. (ÎLKHA)