Berdevkê Wezareta Tenduristî ya Yemenê Enis el-Usbahî got, “Di êrîşa Emrîkayê de sîvîlek canê xwe ji dest da, du sîvîl birîndar bûn, mirovekî jî winda bû. Ji ber zêdebûna mirî û birîndaran endîşe tê kirin.”

Wîlayetên Hudeyde û Sa’daya bakurê Yemenê, ji teref Emrîkaya îşxalker ve dûçarê êrîşê bûn.

Çavkanîyên herêmî destnîşan kirin ku balafirên herbê yên Emrîkayê li başûrrojhilata Sa’dayê hinek ji herêmên cuda re 17 êrîşên asîmanî li dar xistin. Di encama van êrîşan de binesazîya sîvîl zerarê dîtin.

Li gorî daxuyanîya Enis El-Usbahî ku ji televîzyona El-Meyadînê re da, di êrîşên Emrîkayê ku li herêma Ras Îsaya navçeya Salifê li dar xist de sîvîlekî canê xwe ji dest da, du sîvîl birîndar bûn û mirovekî jî winda bû. Usbahî, destnîşan kir dibe ku hejmarê mirî û birîndaran zêde bibe.

Êrîşên Emrîkayê yên li ser Yemenê ji 15ê Adara 2025an vir ve berdewam dike. Bireveberîya Washingtonê, daxuyand ku ew ji opersayonên Ensarullahê yên li Behra Sor û Bendava Adenê li dijî keştîyên wan têne kirin re bersivê bibin van êrîşên dane destpêkirin.

Tevgera Ensarullahê destnîşan dike ku ew ji ber êrîşên li dijî Xezzeyê van operasyonan li dar dixin û keştîyên rejima sîyonîst û mittefîkên wan hedef digrin. (ÎLKHA)