Weqfa Êtîman ji bona ku zarokên Xezzeyî di Eydê de kêfxweş bin, ji wan re xercane, cil, şîranî û çîqolata şand û ji bona ku travmayên di wan de çêbûne li ser xwe bavêjin wan di cîhê leyîstikê de kêfxweş kir.

Rejima îşxalker a sîyonîst, ji 7ê Cotmeha sala 2023yan vir ve li dijî Xezzeyê êrîşên xwe didomîne, di encama wan êrîşan de piranîya wan zarok, pîrek û îxtîyaran in ji 50 hezarî zêdetir Filistînîyan qetil kir.

Ji teref dildarên Weqfa Êtîman ve ji zarokên ku li Xezzeyê dijîn re xercane, cil, şîranî û çîqolata hatin belavkirin. Zarokên ku bi tevî van dîyarîyan kêfxweş bûn, dîsa di bernameya ku ji teref Weqfa Êtîman ve ji bo leyîstikê hatibû tertîpkirin de leyîstin û kêfxweş bûn.

“Zarokên Xezzeyî ev bû 2 sal e cilên Eydê nikarin li xwe bikin”

Temsîlkara Dildar a li Xezzeyê ya Weqfa Êtîman, destnîşan kir ku zarokên Xezzeyî ev bû 2 sal e nikarin cilên Eydê li xwe bikin, “Îro, bi desteka camêrê Weqfa Êtîman, ji zarokên şîndar ên Xezzeyî re cil û bergên eydê belav kir. Xwedê ev bexşa Weqfa Êtîman a manîdar bibereket bike û mikafata wan zêdetir bide wan.”

“Ji ber ku zarokên birîndar ên Xezzeyê kêfxweş kirine Xwedê, Weqfa Êtîman bi mukafatên herî xweşik bide mukafatkirin”

Dildara Weqfê derheqê bernameya Eydê de agahî da û weha got, “Ji zarokên Xezzeyî yên ku di encama herba barbar a sîyonîstan de birîndar bûne û şînê dikin, nikarin kêfxweşîyê bikin û ji ber vê yekê Eyda wan a Remezanê jî di nav şînê de derbas bûye re silav be. Bi tevî desteka Weqfa Êtîman a camêr, ne rû û dilê zarokên Xezzeyîyan kêfxweş kir. Xwedê bexşên Weqfa Êtîman bibereket bike û ji ber ku zarokên birîndar ên Xezzeyê kêfxweş kirine Xwedê, Weqfa Êtîman bi mukafatên herî xweşik bide mukafatkirin.” (ÎLKHA)