Bi berdewamiya îxlalkirinên xwe, hêzên îşxalker ên sîyonîst ber bi gundewarê Quneytrayê ve pêşve çûn û malek girtin.

Qenala televîzyonê ya dewleta Sûrîyeyê El Îxbariye ragihand ku dewriyeke îşxalkeran ketiye gundê Barîka li gundewarê başûrê Quneytrayê.

TVyê ragihand ku ekîbên dewriyeyê avêtin ser malekê û lêgerîn kirin, lê heta niha ti agahî li ser revandinê tune ye.

Ev êrîş di demekê de tê ku hêzên îşxalker li deverên gundewarî yên Quneytrayê kiryarên neqanûnî dikin; doh, hêzên îşxalker bi du topan erdên çandiniyê yên li başûrê bajêr jî hedef girtin.

Wezîrê Derve yê Sûrîyeyê El Şeybanî doh di vekirina 166emîn civîna wezîran a Konseya Yekîtiya Ereban de got ku Sûrîye ji bo çareseriyeke dîplomatîk pabend dimîne û "ji bo bidawîanîna êrîş, girtin û îxlalkirinên rejîma îşxalker a îsraîlê dixebite."

Wezareta Karên Derve berê bi berdewamî tekez kiribû ku êrîşên ku ji hêla rejîma îşxalker ve li herêmên Dera û Quneytra yên di nav axa Sûrîyeyê de hatine kirin, îxlalkirinek eşkere ya serwerî û yekparçeyiya axa Sûrîyeyê û îxlalkirinek eşkere ya hiqûqa navneteweyî, Peymana Neteweyên Yekbûyî û Peymana Veqetînê ya 1974an e. (ÎLKHA)