Hat ragihandin ku hejmara şehîdên ku ji ber dorpêça îşxalkerên siyonîst li Xezzeyê ji birçîbûnê mirine gihîştiye 180î.

Wezareta Tenduristiyê ya Filistînê ya li Xezzeyê ragihand ku di 24 saetên dawî de li herêmê ji ber birçîbûnê 5 kesên din jî şehîd ketine.

Bi van mirinên dawî re, hejmara şehîdên ji birçîbûnê li giştîyê Şerîda Xezzeyê ji 7ê Cotmeha 2023an vir ve gihîştiye 180 kesan, ji wan 93 kes jî zarok in.

Ev hejmar kesên ku gihîştine nexweşxaneyan nîşan didin. Hejmara rastîn a mirovên ku di malên xwe de asê mane û ji birçîbûnê dimirin nayê zanîn.

Hate diyarkirin ku alîkarî têrê nake ku lazimatîyên herêma ku dorpêç berdewam dike bicîh bîne û tirs heye ku mirinên ji ber birçîbûnê roj bi roj zêde bibin.

Li gorî daneyên wezaretê, niha nêzîkî 30.000 kes ji ber kêmbûna xurekê li ber sînorê birçîbûnê ne. 260.000 zarokên di bin 5 salî de kêm xurekê dikişînin.

Xurek kêm û birçîbûn zirarên bêveger didin laşê pitik û zarokan bi taybetî. (ÎLKHA)