13 oC 
Güneşli
Parlamenterê Êlihê yê HUDA PARê Serkan Ramanli di Meclîsê de derheqê pêvajoya “Tirkîyeya Bêteror” de daxuyanîyeke çapemenîyê li dar xist.
Ramanli di daxuyanîyê de got, “Em wek HUDA PARê, ji tesîskirina aştîya nav welat û biratîyê re hemû mesulîyet û înîsîyatîfî digrin ser milê xwe, em bibiryar in ku ji hemû teşebûsên çêker re destekê bidin.”
“Ji bona ku pêvajo bighêje serfirazîyê divê ji xeletîyên berê ders bêne girtin”
Ramanli îfade kir ku Tirkîye 40 sal e di nav gelemşeya şîddetê de ye û êş û janên giran jîyaye, “Em wek HUDA PARê, vê pêvajoya ‘Tirkîyeye Bêteror’ gelek biqîmet dibînin û weha dinirxînin ku ev pêvajo wek firsedeke dîrokî, biqîmet û divê bê piştgirîkirin e. Ji bona ku pêvajo bighêje serfirazîyê divê ji xeletîyên berê ders bêne girtin û gavên biryarder bi samîmî bêne avêtin.”
“Tewra provokekirina herêmê ya rejima terorê ya sîyonîst, di warê zerardayîna ji vê pêvajoyê re de talûkeyên ciddî di nav xwe de dihewîne”
Ramanli gavên ku ji bo tesfîyekirina rêxistinê têne avêtin wek “pêvajoya zor û zehmet û krîtîk” nirxand û weha berdewam kir, “Zimanê ku pêvajoyê jehrtir bike, gengeşîyên herêmê û midaxeleyên derve rîskekî ciddî derdixe holê. Geşedanên li Sûrîyeyê û tewra provokekirina herêmê ya rejima terorê ya sîyonîst, di warê zerardayîna ji vê pêvajoyê re de talûkeyên ciddî di nav xwe de dihewîne”
“Ji bona ku aştî bê tesîskirin em ji hemû mesulîyetan re amade ne, bibiryar in ku ji hemû teşebûsên çêker re destekê bidin”
Ramanli bang li hemû partîyên sîyasî kir û got ku mesulîyetan bigrin ser xwe, dûre îfade kir ku ew ê ji komîsyona ku li Meclîsê bê damezrandin re destekê bidin:
“Bila bê zanîn ku; bêdengbûna çekan û çareserkirina pirsgirêkan a di zemîna sîyasetê de, daxwaza hevpar a gelê me ye. Em wek HUDA PARê, ji tesîskirina aştîya nav welat û biratîyê hemû mesulîyet û înîsîyatîfî digrin ser milê xwe, bibiryar in ku ji hemû teşebûsên çêker re destekê bidin Divê êdî şîddet hakim nebe, edalet hakim be; divê êdî zimanê pevçûn tinebin, zimanê çareserkirinê hakim be.” (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Cotkarên li Dîyarbekirê, ku nikarin berhemên rezên xwe yên bi salan bi dest bixin, ji ber nexweşiyên nebatan û piştgiriya nebaş bi demên dijwar re rû bi rû ne.
Meşa ku bi pêşengiya Platforma Hevgirtina Filistînê ya Enqerê (ANFÎDAP) ve hate lidarxistin, ji bo balkişandina ser trajediya mirovî ya li Xezzeyê û teîmînkirina gihandina alîkariyên mirovî hate lidarxistin.
Li navçeya Bîrecîk a Rihayê di şerê çekdarî yê ku ji ber nakokiya erd derket de ap û biraziyê wî canê xwe ji dest dan û du kes birîndar bûn.
Parlamenterên HUDA PARê ku li Enqereyê beşdarî bernameya “Ji Anadolîyê heta Meclîsê, ji Meclîsê heta Xezzeyê; Ji Xezzeyê re korîdora însanî” ku ji teref ANFÎDAPê ve hat tertîpkirin bûn, li hember birçîbûnî û krîza însanî ya li Xezzeyê bang kirin ku “Bedêla wî çi dibe bila bibe” divê korîdora însanî bê vekirin.
