Wezareta Tenduristiyê ya Libnanê ragihand ku hejmara qurbaniyên êrîşên rejîma sîyonîst li ser Lubnanê gihîştiye 4332 kesan, di heman demê de hejmara birîndaran jî gihîştiye 12236 kesan.

Li gorî daneyên dawî yên ku ji hêla wezaretê ve hatine weşandin, ji 2yê Adarê vir ve du kesên din di êrîşan de şehîd bûne, bi vî awayî hejmara giştî ya şehîdan gihîştiye 4.332an. Di daxuyaniya berê de hejmara şehîdan wekî 4.330 hatibû ragihandin.

Rejîma sîyonîst di 2ê Adarê de êrîşên hewayî yên dijwar li dijî Lubnanê dest pê kir û gelek bajarokên li başûrê welat îşxal kir. Hikûmeta Lubnanê ragihand ku hejmara mirovên ku ji ber êrîşan di nav welat de koçber bûne ji 1 milyonî derbas bûye.

Agirbesta demkî ya 10 rojan, ku di 17ê Nîsanê de ji bo rawestandina şer ket meriyetê, pêşî ji bo sê hefteyan hate dirêjkirin, û dû re biryar hate dayîn ku ew ê ji 17ê Gulanê pê ve ji bo 45 rojên din berdewam bike.

Di 14ê Hezîranê de, piştî danûstandinên di navbera Îran û Emrîkayê de bi navbeynkariya Pakistanê, peymanek ji 14 maddeyan hate ragihandin, ku rawestandina şer û çareserkirina nakokiyan bi rêya danûstandinan destnîşan dikir. Ev peyman her wiha bidawîanîna nakokiyan li herêmê, tevî Lubnanê jî, di nav xwe de digirt.

Ji aliyekî din ve, piştî pêncemîn gera danûstandinên rasterast ên li Washingtonê, di 26ê Hezîranê de di navbera Lubnan û rejîma sîyonîst de "peymaneke çarçove" hate îmzekirin. Tevî vê yekê jî, êrîşên rejîma sîyonîst li ser Lubnanê bi navber berdewam dikin. (ÎLKHA)