Hat diyarkirin ku di êrîşa bi fuzeyan a Rûsyayê ya li ser bajarên Odesa û Sûmiyê yên Ukraynayê de herî kêm 19 kes mirin û zêdeyî 100 kes jî birîndar bûn.

Li gorî daxuyaniya Rêveberiya Leşkerî ya Herêma Sûmiyê, yek ji wan mûşekan li avahiyeke neh qatî ya li navçeyeke niştecihbûnê ya qelebalix ket, ya din jî li binesaziya krîtîk ket û bajar bê ceyran hişt.

Hat diyarkirin ku di êrîşa bi fuzeya balîstîk a Rûsyayê ya li bajarê Sumy yê li bakurê rojhilatê Ukraynayê de herî kêm 11 kes mirin û 89 kes jî birîndar bûn.

Di êrîşan de herî kêm 6 avahiyên apartmanan û 14 wesayit zirar dîtin û nêzî 400 kes neçar man ku ji cihê bûyerê bên derxistin.

Şaredarê Odesayê Gennadiy Trukhanov diyar kir ku Rûsyayê bi fuzeyê avêtiye avahiyeke niştecihbûnê ya ku qada bazirganiyê ye û diyar kir ku heta niha 8 kes mirine û 18 kes jî birîndar bûne. (ÎLKHA)