Li bajarê Los Angelesa wîlayeta Kalîforniyayê ya Emrîkayê ji ber şewata daristanê ku ji ber bayê xurt belav bû rewşa awarte hat îlankirin.

Şewata daristanan a li Los Angelesa wîlayeta  Kalîforniyayê ya Emrîkayê belav dibe, ji ber bayê ku di saetê de bi qasî 80 kîlometreyan bi lez diçe, nayê kontrolkirin.

Di şewata li herêma Pasîfîk Palisades de bi qasî 3 hezar hektar erd şewitî, ji bo 33 hezar kes jî biryara tehliyeyê hat dayîn.

Li Los Angelesê ji ber şewatê rewşa awarte hat îlankirin.

Waliyê Kalîforniyayê Gavin Newsom diyar kir ku xebatên bersivdayîna agir dewam dikin û ragihand ku li Los Angelesê rewşa awarte hatiye ragihandin.

Têkildarî şewatên ku li herêmên Pasîfîk Palisades, Hurst, Eaton û Woodley yên Los Angelesê dewam dikin, Midûrê Agirkujiyê yê Los Angelesê Anthony C. Marrone ragihand ku di şewatan de heta niha 2 kes mirine û gelek kes jî birîndar bûne.

Marrone, da zanîn ku ji ber bayê xurt balafirên vemirandinê nikarin rabin û diyar kir ku şewata bi taybetî li herêma Pasîfîk Palisades nikare bê kontrolkirin û her diçe mezin dibe.

Marrona agahî parve kir ku heta niha ji ber şewatên li Los Angelesê zêdetirî 1000 avahî şewitîne. (ÎLKHA)