Hejmarê mirîyên ku li Myanmarê di erdhejê de canê xwe ji dest dabûn 3 hezarî derbas kir. Ji ber erdhejê ji 4 hezar û 500î zêdetir mirov jî birîndar bûn, bi hezaran avahî xera bûn û di binesazîyê de xesareke ciddî pêk hat.

Piştî erdhejê li herêmê xebatên lêgerîn û xelaskirinê berdewam dikin. Li paytext, di otêlekî de mirovekî piştî 108 seatan bi saxîtî ji bin kavilan hat derxistin, li Mandalayê jî mirovekî dinê piştî 121 seatan ji bin kavilan bi saxîtî hat derxistin.

Li herêma ku erdhej lê xistîye krîza însanî kûrtir dibe, li gorî daneyên NYyê berîya erdhejê jî li herêmê ji 3 milyonan zêdetir însan ji cîhê xwe bûbûn û nêzê 20 milyon însan mihtacê alîkarîyê bûn.

Li gelek herêma ceryan  av qutbûye, di gihandina xwarin, ava paqij û xizmetên tenduristîyê de zehmetî tên kişandin.

Gelek welat wek Çîn, Hîndistan, Tirkîye, Vîetnam, Sîngapur û Malezya ji Myanmarê re alîkarîyê şandin. Neteweyên Yekbûyî îfade kir ku ji ber erdhejên biçûk ku hêna jî çêdibin xebat gelek zehmet dibin.

Artêşa Myanmarê, di sala 2021an de bireveberîya Aung San Suu Kyi hilweşand û dest danî li ser bireveberîyê û ev rewş li giştîyê welat berxwedanên çekdarî da destpêkirin.

Piştî erdhejê her çiqas jî agirbest hatibe îlankirin jî pisporan, dibêjin ew ê ev ji bo aştîyekî demdirêj re venegere. (ÎLKHA)