Hejmara qurbaniyên lehiyên ji nişka ve li Teksasa Emrîkayê gihîştiye du kesan. Rayedaran ragihandin ku operasyonên lêgerîn û rizgarkirinê li herêmê berdewam dikin.

Waliyê Teksasê Greg Abbott diyar kir ku tîm bi karanîna qeyik û helîkopteran digihîjin şofêr û niştecîhên ku di malên xwe de asê mane, û heta niha zêdetirî 200 kes ji bo deverên ewle hatine veguhastin.

Abbott diyar kir ku yek ji miriyan dema ku li nêzî Uvalde diajot ji aliyê lehiyê ve hatiye birin û yê din jî li herêma Kerr mir.

Abbott diyar kir ku tê texmînkirin ku baran heta roja Înê li deverên ku herî zêde ji lehiyê tesîrdar bûne berdewam bike, û tekez kir ku talûke hêna jî bi dawî nebûye.

Abbott hişyarî da ku asta avê li hin çeman dikare bigihîje asta herî bilind a dîrokî û ji welatiyan xwest ku baldar bin.

Abbott diyar kir ku divê ew kesên ku bi taybetî li nêzî çeman dijîn talûkeyên cîddî bigirin û ji her kesî xwest ku xwe bêxem nekin. (ÎLKHA)