Hejmara giştî ya şehîdên di komkujiya ku ji aliyê sîyonîstên îşxalker ve li dijî Xezzeyê ji 7ê Cotmeha 2023an vir ve pêk hatiye gihîştiye 73 hezar û 928an.

Wezareta Tenduristiyê ya Xezzeyê ragihand ku di 24 saetên dawî de, di encama êrîşên dagirkeriyê yên berdewam de 5 şehîd û 35 birîndar ji bo nexweşxaneyên Xezzeyê hatine veguhastin. Hat ragihandin ku yek ji şehîdan paşê ji ber birînên xwe canê xwe ji dest da û şehîd ket.

Di daxuyaniyê de hat destnîşankirin ku piştî agirbesta ku di 11ê Cotmeha 2025an de ket meriyetê, hejmara şehîdan gihîştiye 1408an, hejmara birîndaran gihîştiye 4916an û cenazeyên 834 şehîdan jî hatine dîtin.

Li gorî heman daneyan, ji destpêka êrîşa rejîma îşxalker a li ser Xezzeyê di 7ê Cotmeha 2023an de heta niha hejmara şehîdan gihîştiye 73.928an û hejmara birîndaran jî gihîştiye 175.030an. (ÎLKHA)