Mesrûr Barzanî: Em naxwazin bibin aliyekî ti şer û pevçûnekê
13 oC
13 oC
Güneşli
13 oC
Güneşli
Serokwezîrê Hikûmeta Herêma Kurdistanê Mesrûr Barzanî ragihand ku hikûmeta herêmê piştgirî dide hewldanên hikûmeta Îraqê yên ji bo ku çek tenê di destê hêzên fermî de bin. Barzanî her wiha got ku herêma Kurdistanê naxwaze bibe aliyek ji ti şerekî li herêmê.
Serokwezîrê Hikûmeta Herêma Kurdistanê Mesrûr Barzanî diyar kir ku ew parastina ewlehiya herêmê û dûrketina wê ji pevçûnan didin pêşîyê û ew piştgiriyê didin hewldanên hikûmeta Îraqê yên ji bo komkirina çekan di bin kontrola dewletê de.
Barzanî ji Al Jazeera re got ku ti alî zextê li hikûmeta herêmê nake ku tevlî şer bibe û got, "Pêşîniya me parastina herêma Kurdistanê û dûrxistina wê ji pevçûnan e."
Barzanî diyar kir ku herêma Kurdistanê berê rastî êrîşên dijwar hatiye, û got ku zêdetirî 1000 êrîş bi roket û balafirên bêmirov li dijî herêmê hatine kirin.
Barzanî îddîa kir ku êrîş rasterast ji Îranê an jî bi rêya hinek komên ku ji axa Îraqê tevdigerin hatine kirin. Wî diyar kir ku piştî ku Emrîka û rejîma sîyonîst di 28ê Sibatê de şerê xwe yê li dijî Îranê dest pê kirin, ev êrîş zêdetir bûne.
Barzani her wiha îdiayên ku dibêjin di navbera Hikûmeta Herêma Kurdistanê û rejîma sîyonîst de têkiliyek heye red kir. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Wezîrê Dadê Akin Gurlek diyar kir ku mal û milkên ku di lêpirsînên fonê de hatine desteserkirin, di nav de vîla, wesayîtên luks, erd û hesabên bankayê hene, ew ê ji bo dayîna heqê xwediyên wan ên rastîn werin bikar anîn.
"Panela Navneteweyî ya Selaheddîn û Qudsê" ku ji aliyê HUDA PARê ve bi mijara "Qudsa Selaheddîn" tê lidarxistin, ew ê sibê li navçeya Xelîlî ya Rihayê were lidarxistin. Serokê HUDA PARê Zekerîya Yapicioglu jî ew ê beşdarî panelê ku tê de Selaheddîn Eyyûbî, Quds, Mescîda Eqsayê û geşedanên li Xezzeyê wê di bin sernavên cûrbecûr de werin nîqaşkirin bibe.
Li navçeya Cizîrê ya Şirnexê, ji ber hilweşîna qata duyemîn a avahiyek ku di bin çêkirinê de bû, 5 kes birîndar bûn.
Midûriyeta Giştî ya Meteorolojiyê hişyarî da ku baran û bahozên dijwar ên li herêmên rojhilatê ew ê li deverên derdora Semsûr, Dîyarbakir, Xarpêt, Çewlig, Bitlîs û Sêrtê û her wiha li hinek navçeyên Meletî, Riha, Êlih û Mûşê bi hêz bin.
