Li Iraqê, nîqaşên li ser pêwîstiya ku çek bi tenê di bin kontrola dewletê de bin, dîsa gur bûne. Analîz nîşan didin ku ev daxwazek demdirêj e ku hem ewlehiya navxweyî û hem jî serweriya hiqûqê dihewîne, û ev daxwaz di demên dawî de ji ber zêdebûna zexta navneteweyî ketiye rojevê.

Li Iraqê, nîqaşên li ser ka gelo çek divê di bin kontrola yekane ya saziyên dewletê de bin an na, hêna jî mijarek girîng di rojeva sîyasî û ewlehiyê ya welat de ne.

Nirxandinên li ser mijarê destnîşan dikin ku yekdestdariya dewletê li ser çekan ne tenê encama zexta navneteweyî ye, lê ev prensîb di Destûra Iraqê û Qanûna Çekan a 2017an de jî hatiye bicîhkirin.

Li gorî analîzan, ev daxwaz, ku ji sala 2015an vir ve bêtir derketiye holê, ji pevçûnên eşîrî, sûcên rêxistinkirî, karanîna çekên neqanûnî û zehmetiyên di sepandina qanûnê de li hinek herêman vedigere. Tê diyarkirin ku ev rewş tesîreke xerab li ser hawîrdora veberhênanê û baweriya welatiyan bi saziyên dewletê dike. (ÎLKHA)