Tûgayên Qassam, baskê leşkerî yê Hamasê, dîmenên pevçûnên li dijî îşxalkeran li taxa Şêx Ridwan a bakurê rojavayê bajarê Xezzeyê weşand. Dîmen têkoşîn, amadekariyên berxwedanê û wesiyeta dawî ya fermandarê meydanî Yusuf el-Nunu, ku di pevçûnan de şehîd bû, nîşan dide.

Tûgayên Qessam, dîmenên nû yên pevçûnên li dijî rejîma sîyonîst li taxa Şêx Ridwan li bakurê rojavayê bajarê Xezzeyê belav kirin.

Vîdyoya bi qasî pênc deqeyan têkoşîna Yusuf el-Nunu ku wekî fermandarê komekê di Tabûra Ridwan a Tugaya Xezzeyê de xizmet dikir û di 31ê Cotmeha 2024an de di pevçûnên dijwar ên bi dagirkeran re şehîd bû nîşan dide.

Dîmenên ku hatine weşandin dîmenên perwerdehiya leşkerî ya el-Nunu di refên berxwedanê de berî şer, û her weha dîmenên ji pevçûnên li dijî hêzên îşxalker li taxa Şêx Ridwan dihewîne.

HAMAS'ın askeri kanadı Kassam Tugayları, Gazze kentinin kuzeybatısındaki Şeyh Rıdvan Mahallesi'nde işgalcilere karşı yürütülen çatışmalara ait görüntüleri yayımladı. Görüntülerde, çatışmalarda şehit olan saha komutanı Yusuf en-Nunu'nun mücadelesi, direniş hazırlıkları ve vasiyeti… pic.twitter.com/N69b0OSx95

— İLKHA Video (@ilkhavideo) 9 Temmuz 2026

Herwiha qeydên dengî di dema şer de sohbeteke telsîzê ya di navbera el-Nunu û fermandarê meydanî Ebdulkerîm el-Naffar de nîşan didin. El-Nunu ragihand ku leşkerên îşxalker li avahiyeke dibistanekê li herêmê kom bûne û dema ku cihê tankê dide, daxwaza bikaranîna cebilxaneya dijî-tank a "Yasin-105" a hilberîna navxweyî dike.

Piştî vê yekê, kamerayan kêliyên ku Ebdulkerîm el-Naffar ji cihê xwe derket û guleya "Yasin-105" avêt avahiya ku leşkerên îşxalker lê bi cih bûbûn, qeyd kirin.

Di dîmenan de wesîyeta şehîd Robin Yusuf en-Nunu ji diya xwe re hiştiye jî hebû. En-Nunu ji diya xwe xwest ku wî efû bike, û diyar kir ku ew dikare bi rizamendiya diya xwe bigihîje kerema Xwedê. Wî daxwaz kir ku heke ew bibe şehîd, diya wî negirî, lê belê wekî bûyerek kêfxweş pêşwazî bike, û tekez kir ku ew ji bo doza gelê Filistînê û şehîdan şer dike.

Vîdyoya rêzefîlma "Stêrkên Tofana Eqsayê" ku ji teref Tûgayên Qessam ve hatiye weşandin, jiyan û têkoşîna fermandarên meydanî û şervanên berxwedanê yên ku ji dawiya sala 2023an vir ve di pevçûnên li Şerîda Xezzeyê de şehîd bûne belge dike. (ÎLKHA)