Tûgayên Qessam li Dêr Belehê wesayîteke zirxî ya rejîma sîyonîst îmhe kirin
13 oC
13 oC
Güneşli
13 oC
Güneşli
Tûgayên Qessam, baskê leşkerî yê Hamasê, ragihand ku wan li başûrê rojhilatê Dêr el-Belahê wesayîteke zirxî ya leşkerî ya aîdî hêzên îşxalker bi mûşekeke Yasin 105 hedef girtiye. Li heman herêmê şerên dijwar berdewam dikin.
Tûgayên Îzzedîn el-Qessam ê baskê leşkerî yê Hamasê, ragihand ku wan wesayîteke leşkerî ya zirxî ya aîdî hêzên îşxalker li bajarê Deyr el-Belah ê li navenda Xezzeyê hedef girtine.
Qessam daxuyaniyek kurt weşand û got ku Mucahîdan "li nêzîkî çerxa Ebû Hulî li başûrê rojhilatê Dêr el-Belahê wesayîteke zirxî ya sîyonîst bi mûşekeke dijî-tank a Yasin 105ê xistiye xwarê."
Şahidên li herêmê ragihandin ku di navbera hêzên îşxalker û komên berxwedana Filistînî de pevçûnên dijwar qewimîne. Li heman herêmê, artêşa îşxalker îro sibê mirina efserekî ragihand.
Artêşa rejîma sîyonîst mirina efserê yedek ê 36 salî Vladimir Loza di pevçûnên li başûrê Xezzeyê de piştrast kir. Bi vê windahiyê hejmara leşkerên îşxalker ên ku di 24 saetên dawî de hatine kuştin gihîşte 2 kesan.
Li gorî raporê, di êrîşên ku ji 7ê Cotmeha 2023an vir ve berdewam dikin de, rejîma sîyonîst 895 leşkerên xwe winda kiriye, ku ji wan 451 leşker di şerên bejahî yên li Xezzeyê de mirine. Hejmara birîndaran gihîştiye 6 hezar û 108 kesan. Lêbelê, rejîm windahiyên xwe yên rastîn vedişêre.
Parastina bi biryar a ku komên berxwedanê li dijî êrîşên qirkirinê yên berfireh ên li Xezzeyê nîşan didin, zirarên giran dide hêzên îşxalker. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Li parêzgeha Baglan a bakurê Efxenistanê, di hilweşîna kana komirê de şeş kes mirin û 12 kes jî birîndar bûn.
Rejima îşxalker ji 7ê Cotmeha 2023yan vir ve qirkirina xwe ya li Xezzeyê didomîne, di encama wê qirkirinê de hejmarê şehîdan derket 59 hezar û 219an, hejmarê birîndaran jî gihaşt 143 hezar û 45 kesan.
Li gorî agahiyan, li Nablusê, îşxalkeran Nexweşxaneyên Taybet ên Refîdiye û Erebî dorpêç kirine, deriyên awarte girtine û ambulansan rawestandine. Ew ji bo zextê li nexweşxaneyan bikin bombeyên deng bikar tînin, û rageşiyê li bajêr zêde dikin.
Tûgayên Qessam li bajarê Dêr el-Belah ê navenda Xezzeyê bi roketek Yasin-105 wesayîteke zirxî ya îşxalkeran hedef girtin. Li Refahê, di kemîneke ya bi mayînan de efserek û du leşker birîndar bûn.
