Alîkarê Serokkomar Cevdet Yilmaz, bangên boykotê ku li hember tehqîqata li dijî Şaredarîya Bajarê Mezin a Stenbolê hat destpêkirin rexne kir û got, “Muxalefetekî ku hizûra civakê û îstîqrara aborîyê hedef digre mehkûmê windakirinê ye.”

Yilmaz, derheqê bangên boykotê ku li hember tehqîqata li dijî Şaredarîya Bajarê Mezin a Stenbolê hat destpêkirin de daxuyanî da.

Yilmaz, daxuyanîyê li ser hesaba xwe ya medyaya civakî da û bangên kolanan rexne kir.

Cevdet Yilmaz, bal kişand ku Tirkîye di warê pêşveçûnên jeopolîtîk û aborî de di nav pêvajoyekî krîtîk de derbas dibe, di vê pêvajoyê de jî divê gengeşîyên nav welat ji menfeatên welat re zerarê nedin.

Alîkarê Serokkomar Cevdet Yilmaz weha got:

“Birînên erdheja ku di dîroka me de afeta herî mezin e di nav lezekî de tê dermankirin. Em ji bo refaha însanên xwe bernameya xwe ya aborîyê di nav biryarîyê de dimeşînin. Rojeva me di warê polîtîkaya derve, demokrasî û pêşveçûnê de pêş biçin e. Hizûra civakê, refah û yekîtîya netewî, mesulîyeta hevpar a sazîya sîyasetê ye. Muxalefeta ku di demokrasîyê de mirov nikare wî paşgoh bike, divê di nav şiûra mesulîyetê de tevbigere. Muxalefetekî ku bangê kolanan dike û bi vê şeklê hizûra civakê û îstîqrara aborîyê hedef digre mehkûmê windakirinê ye. Gotinên cudaker û tehdîtwarî, ew ê li ber dîrokê û di dilê gelê me de tu bersivekî nebîne.” (ÎLKHA)