Ji teref Evîndarên Pêxember ve li Mîdyada navçeya Mêrdînê bernameya bi navê “Şeva Şehîdan û Berxwedana Filistînê” hat lidarxistin.

Li navçeya Midyada Mêrdînê bernameya "Şeva Şehîdan û Berxwedana Filistînê" ya ku ji teref Evîndarên Pêxember ve hat lidarxistin li Salona Konferansê ya Dibistana Îradeya Mîllî hat lidarxistin.

Umer Çelîkê Serokê Platforma Karwana Şehîdan di bernameyê de axaftin kir.

“Doza şehîd û şehadetê ew qas mezin e ku mehek têra wê nake”

Çelîk bal kişand li ser girîngîya meqama şehadetê û got, “Her sal meha Sibatê ji aliyê kesên hestiyar ve weke meha şehîdan hatiye îlankirin. Em hem wek Evîndarên Pêxember û hem jî wek Komeleya Mustezafan li gelek deverên welêt ji bo bîranîn, fêmkirin û ravekirina şehîdan çalakiyan li dar dixin. Doza şehîd û şehadetê ew qas mezin e ku mehek têra wê nake. Lewra Xweda di Qur’anê de pesna şehîdan daye. Çawa ku her kes nikare bibe Pêxember û bigihîje wê meqamê, meqama şehîtbûyîn jî tenê dide kesê layiqî wê ne. Meqameke ewqasî bilinde ku, piştî pêxember û siddqîyetê meqama sêyem a ulwî ye.

“Divê şehadet di navenda jiyana me de be”

Çelîk got şehadet yek ji nirxên bingehîn ê Îslamê ye û wisa gotinên xwe domand, “Heta ku  pêxemberan jî dixwestin ku şehîd bibin û ji bo bibi şehîd hewl dan e. Divê şehadet di navenda jiyana me de be. Divê şehadet perçeyeke ji me be. Ji ber ku eger ev dîna pîroz heta îro maye û wê heta roja qiyametê jî berdewam bike, wê bi saya xwîna şehîdan be. Bi saya dilsoziya şehîdan a ji bo vê dozê û fedakariya canê wan e. Em zarokên vê çandê ne. Em ne xerîbê vê mijarê ne. Em ji nifşê Habîl in. Em ji Uhûdê, Bedrê, Yemameyê, Kerbelayê hatine. Mirovan ji bo ku li dunyayê hebikî din bijîn dikarin temamê malên xwe bidin. Lê şehîd ji bo bi zûtir bigihîjin maşûqê xwe canê xwe feda dikin. Ji ber vê jî biqîmet in.”

“Divê em hişmendîya şehadetê hînî xort û qîzê xwe bikin”

Çelîk di berdewama axaftina xwe de destnîşan kir ku nifşê ciwan pir bi jiyana dinyayê ve girêdayî ye û diyar kir ku di vî warî de berpirsyariya dê û bav in û wiha got: “Xeyalên xortên me yên niha yên 50 salî hene. Gelî dê û bavan, sucdar em in. Çimkî me van zarokan bi dinyayê ve girêdan. Ger em kultira şehadetê bigirin, nikare tu civak benda koletîyê li me bixe.”

Di dawîya bernameyê de ji bo şehîdan dua hat kirin, ji bo berxwedana Filistînê û erdnîgarîyên mezlûm peyamên piştgirîyê hat dayîn. (ÎLKHA)