Karwana Hêvîyê ya Mereşê ji bo hurmeta Şeva Regaîbê xurek belav kir
Bi hatina sê mehên pîroz, Karwana Hêvîyê hewlên xwe zêde dike û ji bo rêzgirtina Şeva Regaibê alîkariya malbatên hewcedar berdewam dike.
Abdurrahman Evîn nûnerê Karwana Hêvîyê ya Mereşê, diyar kir ku wan di van rojên pîroz de kesên hewcedar ji bîr nekirine û hewlên xwe zêde kirine.
"Em ê li kêleka malbatên xwe yên hewcedar bimînin"
Evînê wiha got, "Yek ji rojên girîng ku em atmosfera manewî ya sê mehên pîroz dikişînin Şeva Regaîbê ye; ew şevek bêhempa ye ku rehmet, bereket û parvekirin zêde dibe. Di vê roja watedar de, em bi qasî ku ji destê me tê, dixebitin ku alîkariya xwarinê bigihînin xwişk û birayên xwe yên ku ji erdhejê tesîrdar bûne û hewcedar in. Êş piştî karesata mezin hêna jî teze ye… Lê em dizanin ku hevgirtin rêya herî xurt e ji bo başkirina birînan. Ev alîkariya ku îro li vir tê dayîn ne tenê pakêtek xwarinê ye, lê di heman demê de peyamek e ku hûn ne bi tenê ne. Wekî Karwana Hêviyê, em ê her gav li kêleka malbatên xwe yên hewcedar bisekinin."
Evînê, şeva pîroz li Misilmanan pîroz kir û got, "Em bi dil û can spasiya hemî bexşvan, dilxwaz û her kesê ku beşdarî vê çalakiya xêrxwaziyê bûye dikin. Bila Xwedê hemî kirinên baş ên hatine kirin qebûl bike û bereket bike. Em dua dikin ku ev şeva pîroz ji bo welatê me, ji bo xwişk û birayên me yên erdhejê zirar dîtî û ji bo tevahiya alema Îslamê bibe çavkaniya qencî, şîfa û hêviyê. Bila Şeva me ya Regaîbê pîroz be." (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Li navçeya Çêrmûkê ya Dîyarbekirê, di tesîseke çêkirina penêr de teqînek çêbû û di encamê de 6 kes birîndar bûn. Hat ragihandin ku rewşa du birîndaran jî giran e.
Wezîrê Karên Hundir Alî Yerlîkaya ragihand ku 54.6 kîlogram metamfetamîn di kamyonekê de ku li navçeya Hawêl a Sêrtê hatibû rawestandin, di nav zikê ajalan de hatibû veşartin, hatiye desteserkirin.
Parlamenterê Mersînê yê HUDA PARê Faruk Dînç di civîna çapemenîyê ya ku li Meclisê hat lidarxistin de diyar kir ku bi mûçeya herî kêm a ku doh hat ragihandin, ne mimkûn e ku kesek, ne jî malbatek, debara xwe bike.