13 oC 
Güneşli
Zêdetirî 100.000 kes ji ber şewatên daristanan ên li Fransa û Spanyayê hatine tehliyekirin. Ji ber germahiyên pir zêde û bayên bihêz ên ku agir gur dikin, her du welatan ji Yekîtiya Ewropayê alîkarî xwestine, di heman demê de Spanyayê ji ber şewateke daristanan cara yekem di dîroka xwe de rewşa awarte ya neteweyî ragihandiye.
Li du welatan ku di mehên dawî de bi pêlên germahiyê û hişkesaliyê yên li pey hev re têdikoşin, agir li deverên fireh belav bûne. Zanyar destnîşan dikin ku guherîna avhewayê pirbûn û şîddeta pêlên germahiyê û şewatên daristanan zêde dike.
Serokkomarê Fransayê Emmanuel Macron jî artêşê ji bo piştgiriya hewildanên vemirandina agir bikar anî.
Li Fransayê ji 110.000 kesan hatiye xwestin ku ji cihên xwe derkevin.
Rayedarên Fransî daxwaza valakirina tevahî ya Nîvgirava Cap Ferret, ku navendeke geştiyariyê ya sereke li peravên Atlantîkê ye, kirin.
Du agirên mezin ên ku li başûrê rojavayê Fransayê tehdîdê li deverên niştecihbûnê û kampan dixwin, bûn sedema fermana valakirinê ji bo nêzîkî 110.000 kesan, ku piraniya wan geştiyar in. Her wiha qeyik jî ji bo alîkariya valakirinê hatine şandin herêmê. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Serokê Komeleya Karwana Hêvîyê ya Entabê Mustafa Ozaslan, destnîşan kir ku ew êdî ji malbatên mihtac re kolîyên zexîreyê nadin, ji dêla kolîyê de market vekirine û malbatan çi lazimatîyên wan hene ew ê ji marketê temîn bikin.
AFADê ragihand ku li bajara Kelar a îdareya Germîyanê di mezinahîya 3,77an de erdhejeke çêbûye. Erdhej di kûrahiya 7 kîlometreyan de hatiye qeydkirin.
Li Qonyayê, di merasîma mezûnbûnê ya ku ji hêla ÎTTÎHADUL ULEMA ve hate lidarxistin de, 28 xwendekarên jin ên ku medrese û xwendina erebî temam kirin, îcazetên xwe girtin û mezûn bûn.
