Li Meletîyê, di derengiya şevê de nîqaşa ku di navbera du koman de derketibû ji şerê çekdarî re veguherî, di encamê de du kes birîndar bûn û sê şikdarên têkildarî bûyerê jî hatin binçavkirin.

Bûyer, bi şev li Kolana Gumuşê ya Taxa Beydagi ya navçeya Battalgazîyê qewimî.

Li gorî agahiyan, di derengiya şevê de di navbera du koman de nîqaşek derket û di demeke kurt de ew nîqaş ji şerekî bi kêr û çekan re veguherî. Di şer de du kes ji ber guleyên li lingên wan ketin birîndar bûn.

Piştî xeberdayînê, ekîbên tenduristî û polêsan sewqî cihê bûyerê hatin kirin. Piştî dermankirina destpêkê ya li cihê bûyerê, mirovên birîndar bi ambûlansan ji Nexweşxaneya Dewletê ya Battalgazî û Nexweşxaneya Perwerde û Lêkolînê ya Meletîyê re hatin rakirin. (ÎLKHA)