Nivîskar û lêkolîner Vahdettîn Înce, di “Komxebata Çareserîya Însanî Ji Bo Meseleya Kurd” a ku ji teref HUDA PARê ve li Dîyarbekirê tê tertîpkirin de axivî, wî bal kişand ku HUDA PAR di çareserîya meseleya Kurd de mesulîyetekî digre ser milê xwe û divê hemû kes di vê pêvajoyê de alîkarîyê bide.

Nivîskar û lêkolîner Vahdettîn Înce, di “Komxebata Çareserîya Însanî Ji Bo Meseleya Kurd” a ku ji teref HUDA PARê ve li Dîyarbekirê tê tertîpkirin de axavtinek kir.

Înce di rûniştina duyemîn a komxebatê de axivî û destnîşan kir ku HUDA PARê di çareserîya meseleya Kurd de mesulîyetekî digre ser milê xwe û bal kişand ku divê hemû kes di vî warî de alîkarîyê bike. Înce weha got, “Madem HUDA PARê di warê çareserîya meseleya Kurd de destê xwe kirîye binê kevir, wê demê ji bona ku vî barê HUDA PARê sivik bibe divê hemû kes jî destekê bide.”

“Hemû kes vêya axivî lê dewlet tiştek negot”

Înce bal kişand ku ji bo çareserîya meseleya Kurd tiştên ku têne kirin mesulîyetên gelek mezin in, “Derheqê meseleya Kurd de gotinekî meşhur heye. Derheqê meseleya Kurd de gotinekî ku di bin tavê de nehatibe gotin nemaye. Tu tiştek nemaye, hemû tişt hatine gotin. Yên ku serxwebûnîyê dixwazin axivîn. Yên ku federatîyê dixwazin axivîn. Yên ku otonomîyê dixwazin axivîn. Yên ku bireveberîya xweser, sîstema ekolojîk a demokratîk dixwazin axivîn, yanî yên ku neaxivîne nemaye. Ên ku micadeleya çekdarî dixwazin jî axivîn. Ên ku dibêjin ‘Kurd tineye, zimanekî ku hinek ji Erebî, hinek ji Farisî, hinek jî ji Tirkî girtîye û bûye wek şorbeyê ye’ jî axivîn. Tenê dewlet neaxivî an jî meselaya ku caro carkî bi wî re mijûl dibe re neaxivî. Niha wezîfeya me, digel vêya axavtin e. Em mecbûr in ku gotina xwe bibêjin. Çîmkî Xwedayê dilovan mesulîyetekî xistîye ser milê me.”

“Em dixwazin ku neslên ku pişt me werin bila vê êş û janê nekşînin”

Înce destnîşan kir ku meseleya Kurd bû salan e ji her avahî hatîye nîqaşkirin, “Armanca me û xebate me ew e ku em ji ehlê cehenemê nebin. Ji xwe têra xwe ji me re ezîyet û zilm tê kirin. Em gelek êş û janan dikşînin. Em têra xwe qetlîaman dîtin lê qalkirina derdê me ji axiretê re ma. Di vê dinyayê de me êş û janan kişandîye lê belê bila neslên me nekşînin. Niha akademîsyen, alim, xoce û nivîskaran diaxivin. Ên ku dewletê îdare dikin jî di nav van gotinan de yên herî xweşik ji xwe re digrin. Wî gotinê ji gotin û meddeyekî sîyasî re vedigerînin. Em ê biaxivin. Ew ê HUDA PARê van gotinên me bibe cîhên ku dikarin van gotinan tetbîq bikin.”

“HUDA PAR tevgerekî azadî û azadkirinê ye”

Înce di berdewama axavtina xwe de îfade kir ku HUDA PARê tenê partîyekî sîyasî nîne, di heman demê de ew tevgerekî azadî û azadkirinê ye. Dûre Înce axavtina xwe weha berdewam kir:

“Mitleqe însanên ku vê zilmê, tesîra vê serxwebûnîya cenewarê xelas bûne û rihan azad dikin hene lê HUDA PARê li herêmê bi rêxistinên xwe tevgerekî azadî û azadkirinê ye û ji bo vêya jî xwedî mîsyonekî ye. Ev tevgerekî azadîyê ye. HUDA PARê di sîyasetê de dibe ku nikare edebîyata xwe bike, bi zanyarî nikare xwe îfade bike lê tewrên wî yên ku çaxan vedike heye. Ev tevgerekî sîyasî ye. Ev refleksekî parastina xwe ye. Ev refleksekî parastina cil û bergên Kurdî ye. Ev refleksekî zimanê ye. Ev refleksekî dînî ye.”

“Tewra sîyasî ya HUDA PARê avekî ku kûr û bêdeng diherike temsîl dike”

Înce destnîşan kir ku sîyaseta HUDA PARê, avekî weka kûr û bêdeng diherike ye, “Dema ku hûn dîqet bikin, hûnê bibînin ku li çem cîhên ku fireh diherikin hene. Hinek cîh kûr û bêdeng in. Di wan cîhên ku gurr in av xwe li keviran dixe. Av tê û xwe li keviran dixe, lê dinêre kevir nerm nabe, berê xwe diguherîne û li alîyekî dinê diçe û rêya xwe berdewam dike. Tebîet ewakî ye. Civak jî wek avê ne. Ji zêhnîyetekî wek kevirê re mirov nikare bi gotinan qal bike. Mirov li hember zêhnîyetekî wisa dibêje ez ji xwe rêya xwe bizvirim û li rêya xwe binêrim. Li gorî min tewr û sîyaseta HUDA PARê, weka wê ava ku xwe li kevir dixwe û kûr û bêdeng diherike ye.”

“Divê em vê meşa xwe ya kûr û bêdeng bidomînin”

Înce di dawîya axavtina xwe de weha got, “Ziddê cahil helîm e, ne allim e. Ziddê alim kitim e. Însanê ku sîyaseta xwe bi giranê weka ava gûr dimeşîne helîm e û ava kûr e; di nav wî de tiştên gelek bibereket û xweş hene. Lê însanên ku qelebalixîyê dikin, şer dikin, di destê wan de keleşkof hebe û serê xwe ji wê kevirê vê kevirêxin hege allameî cîhanbin jî cahil in. Madem em ji destê vê cenewarê xelas bûn, divê em vê meşa xwe bidomînin.” (ÎLKHA)