ساجد پیشگین، کە لە ٢٢ی تەمووزی ٢٠٢٣ لە کاتی نوێژکردن لە نوێژخانەی بارەگای پارێزگای ئەدەنەی هودا پار بە چەقۆ شەهید بوو، لە ٣یەمین ساڵی شەهیدبوونیدا لە سەر گۆڕەکەیدا یادی کرایەوە.

ساجد پیشگین، کە وەک سکرتێری پارێزگای ئەدەنەی هودا پار خزمەتی دەکرد و لە ٢٢ی تەمووزی ٢٠٢٣ لە کاتی نوێژکردن لە نوێژخانەی بینای بارەگای پارێزگاکە بە چەقۆ شەهید بوو، بە بەرنامەیەک کە لە سەر گۆڕەکەی بەڕێوەچوو، یادی کرایەوە.

بەرنامەی یادکردنەوەکە کە لە ئەدەنە بەڕێوەچوو، بە خوێندنەوەی قورئانی پیرۆز دەستی پێکرد.

ئۆرهان ئەرکوش، ڕێکخەری ئەدەنەی وەقفی ئەڤیندارێن پێغەمبەر لە بەرنامەکەدا وتارێکی پێشکەش کرد و باس لە گرنگی شەهیدبوون لە ئیسلامدا کرد و ڕایگەیاند، شەهید ساجد پیشگین ژیانی خۆی بۆ دۆزی ئیسلام تەرخان کرد.

ئەرکوش باسی لەوە کرد کە ئامانجی شەهید ساجد خزمەتکردن بوو بە ئیسلام و وتی، "تاکە خەمی شەهیدان حاکمبوونی ئایینی خودا بوو لەسەر زەوی. هەروەها ئەمە تاکە ئامانجی ساجدی برامان بوو. تا درەنگانی شەو کار دەکرد و دەیگوت 'دەبێت کار بۆ خودا بکەین، دەبێت لە پێناو خودادا بوەستین، پێویستە کار بکەین."

ئەرکوش لە بەردەوامی ئاماژەی بە وشەی "شەهیدی زیندوو" کرد و وتی، "وەک شەهیدێک بژین، بتوانین هەموو شتێک بکەینە قوربانی لە ڕێگای خوادا، شەرەفێکی گەورەیە. ساجدی برامان هیچ پلانێکی دونیای نەبوو. کاتێک جڵوبەرکێک پێشکەش دەکرا، لە وەڵامدا دەیگوت: لە ڕێگای خوادا دەبم بە شەهید، لە ڕێگای خوادا دەبمە قوربانی، جڵوبەرگم بۆ چی پێویستە؟

کاتێک سەردانی گۆڕی شەهیدان دەکەن، پەیمان لەگەڵ ڕۆحیان ببەستن. بەڵێن بدەین بەردەوام بین لەو دۆزەی پێیان سپاردین، پەیامی ئیسلام بگەیەنین بە هەموو دڵێک کە دەتوانی پێی بگەین. ئێمە پێمان وایە تا ئەو میراتە بەرز ڕابگرین کە شەهیدەکانمان بۆمان بەجێیان هێشتووە، بە یارمەتی و سەرکەوتنی خودا بەختەوەر دەبین."

بەرنامەکە بە ئەنجامدانەوەی دوعا کۆتایی هات.

ساڵح دەمیر ئەندامی دەستەی ڕاوێژکاری ناوەندی هودا پار کە لە کاتی هێرشەکەدا ئەویش بریندار بوبوو، فتح الله بەیازچیچەک سەرۆکی مەڵبەندی پارێزگای ئەدەنەی هودا پار، بەرپرسانی هودا پار، خانەوادەی شەهید و هاودۆزانی شەهید بەشداریان لە بەرنامەکە کرد.(İLKHA)