13 oC 
Güneşli
ئەمڕۆ کۆڕبەندی ستراتیژی سلێمانی دەستی بەکارەکانی کرد و لە وتاری دەستپێکدا، قوباد تاڵەبانی جەختی لە گرنگیی گفتوگۆ و بەرەنگاربوونەوەی ئاڵەنگارییەکان کردەوە.
پاشان، لە یەکەم گفتوگۆی کۆڕبەندەکەدا، بافڵ جەلال تاڵەبانی، سەرۆکی یەکێتیی نیشتمانیی کوردستان، وتارێکی توند و هەڵوێستێکی ڕوونی لەبارەی دۆخی سیاسی و پەرلەمانی هەرێم خستەڕوو.
ناوبراو ڕووداوەکانی ئەم دواییەی پەرلەمانی کوردستانی بە "بێڕێزی و پێشێلکاری بەرامبەر ڕای خەڵک" وەسف کرد و ڕایگەیاند، "ئێستا کوردستان هیچ پەرلەمانێکی نییە و ئێمە دانیپێدا نانێین؛ پەرلەمان کرابووە مەیدانی بازرگانی بە دەنگی خەڵکەوە و دەبێت ئەم پرۆسەیە بوەستێنرێت." هەروەها داوای لە ئیدارەی دۆناڵد ترەمپ کرد، ئەگەر ناتوانێت کێشەکان چارەسەر بکات، با تەنها چاودێر بێت.
بافڵ تاڵەبانی ئاماژەی بەوە دا کە پڕۆژەی ڕووناکی لە خزمەتگوزارییەوە گۆڕدراوە بۆ کارێکی بازرگانی و تەنها قازانج بۆ چەند بنەماڵەیەک دەگەڕێنێتەوە. هاوکات نیگەرانیی خۆی دەربڕی کە چەمچەماڵ سەرەڕای دابینکردنی کارەبا، هێشتا بێبەشە لە خزمەتگوزارییە سەرەتاییەکان و وتی، "پێویستمان بە دوو ئیدارەییە بۆ چارەسەرکردنی ئەم جیاوازییانە."
سەرۆکی یەکێتی رەخنەی لە ڕۆڵی پارتی لە بەغداد گرت و بە "هەڵە" ناوی برد، جەختیشی کردەوە کە سەرۆکوەزیرانی عێراق دەیەوێت ڕۆڵێکی بونیادنەر بگێڕێت.
سەبارەت بە هێرشەکانی سەر کێڵگەی گازی کۆرمۆر، ڕایگەیاند کە لایەنی ئێرانی گەرەنتی داوە دەستی لەو کارە نەبووە، و متمانەی خۆیشی بە حکومەتی فیدراڵی دەربڕی بۆ ئەنجامدانی لێکۆڵینەوە. (İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
نێچیرڤان بارزانی، سەرۆکی هەرێمی کوردستان، لە پەراوێزی کارهکانی لووتکەی ئاووهەوا لە شاری ئەنتالیای تورکیا، لەگەڵ مەسعوود پزشکیان، سەرۆک کۆماری ئێران کۆبووەوە.
ئەمڕۆ کاتژمێر 04:00ی پاشنیوەڕۆ ئەنجوومەنی پارێزگای کەرکووک لە کۆبوونەوەیەکی بەپەلە کۆدەبێتەوە بۆ دانانی پارێزگارێکی نوێ.
مەسعود بارزانی لە بانگەوازێکدا داوای لە یەکێتیی نیشتمانیی کوردستان کرد لەگەڵ پارتی پێکەوە گفتوگۆ بکەن بۆ کۆتاییھێنان بە قەیرانی سیاسی.
