سەید عبدالملک الحوثی، ڕێبەری بزووتنەوەی انصارالله-ی یەمەن، پەیامێکی سەرەخۆشی ئاراستەی نەعیم قاسم ئەمینداری گشتیی حزب الله-ی لوبنان کرد بۆ فەرماندەی شەهید سەید هەیثەم عەلی تەباتەبایی.

سەید عبدالملک الحوثی پەیامێکی سەرەخۆشی ئاراستەی شێخ نەعیم قاسم ئەمینداری گشتی حزب الله-ی لوبنان کرد بۆ کۆچی دوایی سەید هەیسەم عەلی تەباتەبایی (سەید ئەبو عەلی) فەرماندەی باڵای حزب الله و ئەو ئەندامانەی حزب الله کە لەگەڵیدا شەهید بوون.

سەید عبدالملک الحوثی لە پەیامەکەیدا خەم و پەژارەی خۆی دەربڕی و سەرەخۆشی لە سەرکردایەتی حزب الله و ئەندامانی حزب الله و لایەنگرانی بزووتنەوەکە کرد بۆ شەهادەتی تەباتەبایی.

سەید عبدالملک الحوثی وتی، "بەبۆنەی شەهیدبوونی برای خۆشەویستمان، فەرماندەی گەورەی جیهادی سەید هەیثەم عەلی تەباتەبایی (سەید ئەبو عەلی)، و ئەو برایانی تر کە لەگەڵیدا شەهید بوون، سەرەخۆشی و خەمێکی قووڵی خۆمان ئاراستەی ئێوەی خۆشەویست و سەرجەم برایانمان لە حزب الله و لایەنگرانی شەرەفمەند و بنکەی گشتی دڵسۆزیان دەکەین. ئێمە هاودەنگیی تەواومان دووپات دەکەینەوە و لەگەڵ ئێوەدا وەستاوین لە دژی ستەمی ئیسرائیل بۆ سەر تەواوی ئومەتەکەمان. ئێمە باوەڕێکی تەواومان هەیە کە بەڵێنی ئیلاهی لە ناوبردنی کیانێکی کاتی سەهیۆنی، هەرچەندە لەخۆبایی و دڕندە و تاوانکاری بێت، دواجار جێبەجێ دەبێت. لە ڕاستیدا هەموو کارێک کە دەیکات تەنها ئەم وێرانکارییە خێراتر دەکات."(İLKHA)