وەزارەتی دەرەوەی ئەندەنوسیا ئامادەیی خۆی بۆ بەشداری چالاکانە لە ئاوەدانکردنەوەی غەززە لەدوای ئاگربەستەکەی ڕاگەیاند.

وەزارەتەکە لە بەیاننامەیەکدا کە لە هەژماری فەرمی خۆی لە سۆشیال میدیا بڵاویکردووەتەوە، ڕایگەیاندووە، "ئەندەنوسیا پێشوازی لە قۆناغی یەکەمی ئاگربەست لە غەززە و وەستاندنی هەمیشەیی شەڕ و پێکدادانەکان دەکات."

لە بەیاننامەکەدا هاتووە، هیوادارین بەم زووانە دەستڕاگەیشتن بە هاوکارییە مرۆییەکان فراوانتر بکرێت و ئەندەنوسیا ئامادەبێت بۆ پشتیوانی چالاکانە لە پرۆسەی ئاوەدانکردنەوە لە غەززە.

ئەندەنوسیا داوای لە کۆمەڵگەی جیهانی کرد کە دەست بەسەر ئەم زەبریە بگرێت بۆ دەستپێکردنەوەی پرۆسەی ئاشتی لە فەلەستین و دەستەبەرکردنی دامەزراندنی دەوڵەتێکی سەربەخۆ و سەروەری فەلەستین بەپێی بڕیارنامە پەیوەندیدارەکانی نەتەوە یەکگرتووەکان و یاسا نێودەوڵەتییەکان.(İLKHA)