ئەرکی ئونروا بۆ ماوەی ٣ ساڵی دیکە درێژکرایەوە
13 oC
13 oC
Güneşli
13 oC
Güneşli
ئەنجومەنی گشتی نەتەوە یەکگرتووەکان ئەرکی دەزگای فڕیاگوزاری هاوکاری بۆ پەنابەرانی فەلەستینی (ئونروا)ی بۆ ماوەی ٣ ساڵی دیکە درێژکردەوە.
ئەنجومەنی گشتی نەتەوە یەکگرتووەکان دەنگی لەسەر ئەرکی ئونروا دا.
لە دەنگدانەکەدا ١٥١ وڵات دەنگیان بە "بەڵێ" دا بۆ درێژکردنەوەی ئەرکی ئونروا بۆ ماوەی ٣ ساڵی دیکە، لە بەرامبەردا ١٠ ئەندام لە نێویاندا ئەمریکا و رژێمی داگیرکەر دەنگیان بە "نەخێر" دا و ١٤ وڵاتیش دەنگیان نەدا.
فیلیپ لازارینی کۆمیساری گشتی ئونروا ڕایگەیاند، "دەستخۆشی زۆرینەی زۆری ئەنجومەنی گشتی نەتەوە یەکگرتووەکان دەکەم کە لەگەڵ درێژکردنەوەی ماوەی ئەرکی ئونروا بۆ سێ ساڵ."
لازارینی ئاماژەی بەوەدا کە ئەم ئەنجامەی دەنگدان گوزارشت لە هاودەنگییەکی بەرفراوانی خەڵکی جیهان دەکات لەگەڵ پەنابەرانی فەلەستینی.
لازارینی ڕایگەیاند کە ئەم دەنگدانە بەرپرسیارێتی کۆمەڵگەی نێودەوڵەتی نیشان دەدات بۆ پشتگیریکردنی پێداویستییەکانی پەنابەرانی فەلەستینی تا ئەو کاتەی چارەسەرێکی دادپەروەرانە و بەردەوام بۆ دۆخی نالەباری هەمیشەیی ئەوان دەدۆزرێتەوە. وتیشی، "دەبێت ئەم دەنگدانە وەربگێڕدرێتە سەر پابەندبوونی ڕاستەقینە و سەرچاوەی گونجاو بۆ دڵنیابوون لە جێبەجێکردنی ئەرکەکە."
ئونروا بە هاوکارییە خۆبەخشییەکانی وڵاتانی ئەندامی نەتەوە یەکگرتووەکان، لە ساڵی ١٩٥٠ەوە دامەزرا، هاوکارییە مرۆییەکانی وەک خۆراک، چاودێری تەندروستی، پەروەردە و شوێنی نیشتەجێبوون پێشکەش بە پەنابەرانی فەلەستینی دەکات.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
کارمەندێکی دادگا بە شێوەیەکی نایاسایی ٧٩٣ گولڵەی تەقەمەنی لە دادگاکە دەرهێنا و دوابەدوای دۆزینەوەی رووداوەکە لێکۆڵینەوە دەستیپێکرد و تۆمەتبارەکەش دەستگیر کرا.
کۆمەڵەی گشتیی نەتەوە یەکگرتووەکان ڕۆژی هەینی بە دەنگێکی یەکلاکەرەوە، پێنج بڕیارنامەی پەیوەست بە دۆزی فەلەستینی پەسەند کرد؛ هەنگاوێک کە ڕەنگدانەوەی زیادبوونی هاوسۆزیی جیهانییە لەگەڵ مافەکانی گەلی فەلەستین لە میانەی بەردەوامیی هێرشەکانی رژێمی داگیرکەری سەهیۆنیدا.
لە ئەنجامی رووداوێکی هاتوچۆی توند لە شارۆچکەی باخچەی پارێزگای عوسمانیەی وڵاتی تورکیا ٦ کەس گیانیان لەدەستدا و ١١ کەسیش بریندار بوون.
ناوەندی توێژینەوەی ئەسیرانی فەلەستین ڕاگەیاند، دوای ٧ی ئۆکتۆبەر ٢١ هەزار حاڵەتی دەستبەسەرکردن لە کەرتی ڕۆژئاوا و قودس تۆمار کراوە.
