لە ناوچەکانی بەندەر عەباس و چابەهار و کونارەک دەنگی چوار تەقینەوەی گەورە بیستراوە. تەلەفزیۆنی دەوڵەتی ئێران ڕایگەیاند کە ئەو دەنگانە بە هۆی چالاک بوونی سیستەمی بەرگری ئاسمانی دروست بوون.

بەگوێرەی میدیاکانی ئێران، زنجیرەیەک تەقینەوە لە باشووری ئەو وڵاتە روویان داوە. لە ڕاگەیەندراوەکەدا ئاماژە بەوە کراوە کە تەقینەوەکان کە لە ڕۆژهەڵاتی بەندەر عەباس و لە ناوچەی چابەهار و کونارەک بیستراون، پەیوەندییان بە چالاککردنی سیستەمی بەرگری ئاسمانی لە ناوچە ستراتیژییەکان هەیە.

لەلایەکی دیکەوە دەگوترێ چەند کەشتییەکی بازرگانی کە لە گەرووی هورمز کە گرژییەکان تێیدا پەرەدەسەنن، بەهەمان شێوە لە هێرشەکاندا کراونەتە ئامانج.(İLKHA)