13 oC 
Güneşli
هێزەکانی رژێمی سەهیۆنی بەرەبەیانی ئەمڕۆ لە شەپۆلێکی بەرفراوانی هێرشەکاندا، پەلاماری چەندین ناوچەیان لە شار و گوندەکانی کەناری ڕۆژئاوا دا و لانیکەم ٤ فەلەستینییان دەستبەسەر کرد.
بە پێی ڕاپۆرتێکی ناوەندی ڕاگەیاندنی فەلەستین لە ئەلخەلیل، سەربازانی داگیرکەر هێرشیان کردە سەر ناوچەی خەلەت حازوور و گەنجێکی فەلەستینییان دەستبەسەر کرد.
لە پارێزگای بەیت لەحمیش هێزەکانی داگیرکەر هێرشیان کردە سەر گوندی حووسان، ناوچەی جەبەل ئەلمەوالح لە شاری بەیت لەحم و کەمپی عایدە و لە جەبەل ئەلمەوالح ماڵێکیان پشکنی. هەروەها زیا عەلی حەمدان دوای هێرشی سەربازان بۆ سەر ماڵەکەی لە گوندی ئەلشەواورە لە ڕۆژهەڵاتی بەیت لەحم دەستبەسەر کرا.
لە پارێزگای جەنین، گوندی بەرتەعە لە باشووری ڕۆژئاوای ئەم شارە، شارۆچکەکانی یەعبەد، عەڕابە، مەیسەلۆن و جەبەع کرانە ئامانجی هێرشی سەربازانی داگیرکەر. هێزەکانی رژێمی سەهیۆنی لە مەیسەلۆن هێرشیان کردە سەر ماڵێک و پشکنینیان بۆ کرد و لە جەبەعیش گەنجێکی فەلەستینییان دوای چوونە ناو ماڵەکەی دەستبەسەر کرد.
لە نابلوس، سەربازانی داگیرکەر لە لای شارۆچکە سەهیۆنینشینەکەی ئالۆن مۆرییەوە چوونە ناو ناوچەی ڕۆژهەڵاتی شارەکە و هاوکات هێزەکانی دیکە لە بازگەی بەیت فووریکەوە هێرشیان کردە سەر نابلوس. گوندەکانی سالم و عەزمووت لە ڕۆژهەڵاتی نابلوس و شارۆچکەی زیتا جەمماعین لە باشووری ئەم پارێزگایەش کرانە ئامانجی هێرشەکە و لە سالم ماڵێک پشکنرا.
هاوکات گرووپێک لە دانیشتووانی شارۆچکە سەهیۆنینشینەکانیش پەلاماری گوندی عەورەتایان لە باشووری ڕۆژهەڵاتی نابلوس دا.
لە توولکەرەم، سەربازانی داگیرکەر هێرشیان کردە سەر شارۆچکەی دێر ئەلغوسوون لە باکووری شارەکە و ناوچەی ئیکتابا لە ڕۆژهەڵاتی توولکەرەم و عەبدوڵڵا کەنعانیان لە ماڵەکەی خۆیدا لە ئیکتابا دەستبەسەر کرد.
سەرچاوە خۆجێییەکان هەروەها هەواڵی هێرشی هێزەکانی داگیرکەریان بۆ سەر ناوچەی ئەلفارێعە لە باشووری تووباس، کەمپی ئەلجەلەزوون لە باکووری ڕامەڵڵا و شارۆچکەی عەزوون لە ڕۆژهەڵاتی قەلقیلیە ڕاگەیاند.
لە باکووری ڕۆژهەڵاتی ڕامەڵڵاش، سەربازانی داگیرکەر دوای هێرشکردنە سەر گوندی ئەلموغەییر، دەروازەی ڕۆژئاوای گوندەکەیان داخست و ڕێگرییان لە چوونەژوورەوە و هاتنەدەرەوەی ئۆتۆمبێلەکان کرد.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
دکتۆر باسم نەعیم، ئەندامی مەکتەبی سیاسیی بزووتنەوەی خۆڕاگریی ئیسلامیی حەماس جەختی کردەوە وێرانکردنی بارەگای ئاژانسی فریاگوزاری و کاردۆزینەوەی نەتەوە یەکگرتووەکان بۆ پەنابەرانی فەلەستینی ئونروا لە قودس لەلایەن حکومەتی نەتانیاهۆوە، تاوانێکی جەنگی و پێشێلکردنی ئاشکرای یاسا نێودەوڵەتییەکانە.
حەماس ڕوخاندنی بارەگای ئونروا لە ناوچەی کەفر عەقەب لە قودس لە لایەن داگیرکەران وەک بەشێک لە هێرشی سیستەماتیک لە دژی خەڵکی فەلەستین و بەردەوامی پێشێلکارییەکان دژی دامەزراوەکانی نەتەوە یەکگرتووەکان وەسف کرد.
ئەحمەد بەدرەدین حەسون، موفتی گەورەی پێشووی سوریا کە لە سەردەمی بەشار ئەسەدی سەرۆکی لەکارلادراوی سوریادا خزمەتی کردووە، بە تۆمەتی هاندانی توندوتیژی و شەرعیەتدان بە کوشتن، سزای زیندانی هەتاهەتایی بەسەردا سەپێنراوە.
وەزارەتی بەرگڕی ڕووسیا ڕایگەیاند، لە بەندەری ئۆدێسا کەشتیێکی بارهەڵگر کە چەکی بۆ سوپای ئۆکراینا دەگواستەوە کرایە ئامانج.
