13 oC 
Güneşli
کەتیبەکانی شەهید عیزەدین قەسام، باڵی سەربازیی بزووتنەوەی حەماس، بە دەرکردنی ڕاگەیەندراوێک پرسە و سەرەخۆشیی خۆی بۆ شەهیدبوونی ٣ لە خەباتکارە ئازاکانی خۆڕاگری ڕاگەیاند.
٣ موجاهیدی بەرخۆدان بەناوەکانی شەهیدی فەرماندە قەیس ئیبراهیم محەممەد بیتاوی، شەهیدی موجاهید ئەحمەد یەعقووب و شەهیدی موجاهید باسل تورکمان لە ئەنجامی ئۆپەراسیۆنێکی تیرۆریستیی ترسنۆکانەدا کە لە شاری جەنین لە باکووری کەناری ڕۆژئاوای داگیرکراو ڕوویدا، شەهید بوون.
کەتیبەکانی قەسام وێڕای وەبیرهێنانەوەی ڕێڕەوی جیهادیی شەهیدی فەرماندە قەیس ئیبراهیم محەممەد بیتاوی، ئاماژەی بە ڕۆڵی بەرچاوی ئەو لە سەرپەرشتیکردن و جێبەجێکردنی ژمارەیەک لە ئۆپەراسیۆنەکانی قەسام لە پارێزگای جەنین کرد. دوایین ئۆپەراسیۆن لەژێر سەرپەرشتیی ئەودا، تەقاندنەوەی بۆمبێکی قەراغ ڕێگا بوو لە گەڕەکی جابریات لە ڕێکەوتی ١١ی حوزەیرانی ٢٠٢٦، کە بووە هۆی برینداربوونی دوو ئەفسەر، کە ڕەوشی تەندروستیی یەکێکیان بە سەخت ڕاپۆرت کرابوو.
کەتیبەکانی قەسام لە کۆتایی ڕاگەیەندراوەکەیاندا، پەیمانیان بە خوای گەورە و پاشان بە گەلە مەزنەکەیان دا کە لە ڕێڕەوی جیهاد و شەهیدبووندا پێداگر بمێننەوە و إن شاء الله درێژە بە ڕێگای خۆڕاگری بدەن تا دەرکردنی داگیرکەران لە خاکەکەیان و وەرگرتنەوەی تەواوەتیی مافەکانی گەلی فەلەستین.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەپێی ئامارەکانی دەزگای نیشتمانی کەمکردنەوە و بەڕێوەبردنی مەترسی کارەساتەکانی ئەو وڵاتە، تا ئێستا چارەنووسی نزیکەی ٢ هەزار کەس نادیارە.
دۆنالد ترامپ، سەرۆکی ئەمریکا ڕایگەیاند، "ئەکادیمیای بۆشایی ئاسمانی ئەمریکا" دادەمەزرێنن بۆ پشتیوانیکردن لە پرۆگرامی بۆشایی ئاسمانی وڵاتەکە.
یانەی زیندانیانی فەلەستین ڕایگەیاند کە عەرار کاتێک لە زیندان بوو دایک و باوکی لەدەستداوە بەڵام ئاگاداری مردنیان نەبووە.
