13 oC 
Güneşli
چەندین شارۆچکە و گوندی فەلەستینی لە کەناری ڕۆژئاوا بوونە ئامانجی هێرشەکانی سوپای رژێمی داگیرکەری سەهیۆنی.
لە میانی ئەم هێرشانەدا، داگیرکەرانی سەهیۆنی ژمارەیەک لە فەلەستینییەکانیان دەستبەسەر کرد و هەڵیانکوتایە سەر ماڵە فەلەستینییەکان و لەگەڵ فەلەستینییەکاندا تێکهەڵچوون.
لە شارۆچکەی تەقووع هەڵکەوتوو لە باشووری ڕۆژهەڵاتی بەیت لەحم، سەربازانی سەهیۆنی لە کاتی هێرشکردنە سەر ئەم شارۆچکەیە گەنجێکیان دەستبەسەر کرد، بەڵام گەنجەکە توانی لەناو ئۆتۆمبێلە سەهیۆنییەکە هەڵبێت.
لە شارۆچکەی تورموسعەییا لە باکووری ڕامەڵڵا، سەربازانی سەهیۆنی لە کاتی هێرشکردنە سەر ئەم شارۆچکەیە لەگەڵ گەنجانی فەلەستینی تێکهەڵچوون.
هەروەها داگیرکەرانی سەهیۆنی هێرشیان کردە سەر شارۆچکەی سیلواد لە باکووری ڕۆژهەڵاتی شاری ڕامەڵڵا و دەستیان بە تەقاندنی گولڵەی ڕووناککەرەوە و دەنگی کرد.
لە پارێزگای توولکەرمیش، سوپای سەهیۆنی هەڵیکوتایە سەر شارۆچکەی قەفین و گەنجێکیان دەستبەسەر کرد، هەروەها ئەم دەستدرێژیکارانە هێرشیان کردە سەر شارۆچکەی بەلعا لە ڕۆژهەڵاتی توولکەرم.
هەروەها سەربازانی سەهیۆنی هەڵیانکوتایە سەر چەندین ماڵی فەلەستینی لە بەلعا و گەنجێکیان دەستبەسەر کرد.
لە پارێزگای نابلووسیش، سەربازانی سەهیۆنی هێرشیان کردە سەر شارۆچکەی عەورەتا. ئەم هەنگاوە لە کاتێکدایە کە ژمارەیەک لە شارۆچکەنشینانی سەهیۆنی بە هێرشکردنە سەر گوندی عەرەقە لە ڕۆژئاوای جەنین، گوێدرێژێکیان دزی.
ئەمەش لە کاتێکدایە کە سەربازانی سەهیۆنی هەڵیانکوتایە سەر ئەم گوندەش.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە لە کەرتی غەززە گەشتە ٧٣ هەزار و ٦٧٠ کەس و ژمارەی بریندارەکانیش گەشتە ١٧٤ هەزار و ٦٨٢ کەس.
حازم قاسم، وتەبێژی حەماس ئەو ئیدیعایانەی کە لەلایەن کەناڵی ١٤ی سەهیۆنییەوە سەبارەت بە پلاندانانی حەماس بۆ ڕفاندنی سەربازان لە کەرتی غەززە بڵاو کراونەتەوە، بە درۆی پەتی و هاندانی ئاشکرا وەسف کرد.
دەیان دانیشتووی سەهیۆنی هەڵیانکوتایە سەر مزگەوتی ئەقسا و لە ژێر پاراستنی پۆلیسی داگیرکەردا ڕێوڕەسمی تەلمودی بەرامبەر قوبەتوسەخرەیان ئەنجام دا.
