13 oC 
Güneşli
حازم قاسم، وتەبێژی بزووتنەوەی خۆڕاگریی ئیسلامیی حەماس جەختی کردەوە کە دۆخی کارەساتباری مرۆیی لە کەرتی غەززە و ئێش و ئازاری گەلی فەلەستین لە ئەنجامی ژێرئاوکەوتنی خێوەتی سەدان بنەماڵەی ئاوارە، پەڵەی شەرمەزارییە.
حازم قاسم، وتەبێژی بزووتنەوەی خۆڕاگریی ئیسلامیی حەماس لە بەیاننامەیەکدا جەختی کردەوە کە بەرپرسیارێتیی ئەم کارەساتە مرۆییە، سەرەڕای رژێمی سەهیۆنی، لە ئەستۆی ناوەندە نێودەوڵەتییە بەرپرسەکانیشدایە؛ لەوانەش ئەو ناوەندەی بە "ئەنجومەنی ئاشتی" ناودەبرێت و نوێنەرەکەی "نیکۆلای ملادینۆڤ" کە لە جێبەجێکردنی ئەرکەکانی خۆی بۆ مسۆگەرکردنی چوونەناوەوەی یارمەتییە مرۆیی و فریاگوزارییەکان بۆ ناو کەرتی غەززە شکستی هێناوە و لە بەرانبەر تاوانی گەمارۆدانی زیاتر لە دوو ملیۆن فەلەستینیی دانیشتووی ئەم کەرتە هێشتا بێدەنگیی هەڵبژاردووە.
وتەبێژی بزووتنەوەی حەماس وتی، "خراپتربوونی ڕۆژ لە دوای ڕۆژی دۆخی مرۆیی لە کەرتی غەززە وا دەخوازێت کە ناوبژیوانان بەرپرسیارێتیی تەواوی خۆیان لە هەمبەر ڕێککەوتنە واژۆکراوەکان بگرنە ئەستۆ و بە شێوەیەکی جیدی و کاریگەر بۆ ناچارکردنی ڕژێمی داگیرکەر بە جێبەجێکردنی بەڵێنەکانی هەنگاو بنێن؛ ئەو بەڵێنانەی کە لە سەرووی هەموویانەوە چوونەناوەوەی یارمەتییە مرۆییەکان و کەرەستەکانی نیشتەجێکردنە بە بڕی پێویست و تەواو، تاکوو لە ئێش و ئازاری بەردەوامی گەلی فەلەستین کەم بکرێتەوە."
قاسم هەروەها داوای لە کۆمکاری عەرەبی کرد بۆ ڕزگارکردنی کەرتی غەززە لە کارەساتی مرۆییی بەردەوام، هەنگاوێکی خێرا و کاریگەر بنێت؛ هەنگاوێک کە لەگەڵ ئەو بنەما و ئامانجانەی ئەم کۆمکارەی لەسەر دامەزراوە، یەک بگرێتەوە و بەرپرسیارێتیی نەتەوەیی و مرۆییی ئەوان لە هەمبەر گەلی فەلەستیندا نیشان بدات.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
وەقفی خێرخوازی یەتیمەکان بەردەوامە لە چالاکییەکانی خێرخوازی لە کەرتی غەززەی کە لە ژێر هێرشەکانی رژێمی داگیرکەردایە.
ڕێکخراوی فریاکەوتن و ڕزگارکردنی غەززە ڕایگەیاند کە بارانبارینی بەخوڕ و هەڵکردنی بای بەهێز بووەتە هۆی تێکچوونی ژمارەیەکی زۆر لە خێوەتی ئاوارە فەلەستینییەکان لە کەرتی غەززە.
لە ئەنجامی هێرشەکانی رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە لە کەرتی غەززە گەشتە ٧٤ هەزار و ٦٤٠ کەس و ژمارەی بریندارەکانیش گەشتە ١٧٥ هەزار و ٩٤٧ کەس.
