Ofîsa Medyayê ya Hikûmetê li Xezzeyê ragihand ku di sala 2025an de 56 rojnamevanên Filistînî dema ku li ser wezîfeya xwe bûn şehîd bûne. Hejmara rojnamevanên ku ji destpêka êrîşên qirkirinê ve şehîd bûne gihîştiye 275an.

Ofîsa Medyayê ya Hikûmetê ya li Xezzeyê kar dike, daneyên balkêş parve kirin ku rewşa dijwar a rojnamevanên Filistînî eşkere dikin. Li gorî daxuyaniyê, di sala 2025an de 56 rojnamevan dema ku wezîfeyên xwe pêk dianîn, di encama êrîşên rejîma sîyonîst de şehîd bûne.

Nivîsgehê ragihand ku çarenûsa sê rojnamevanan hêna jî ne diyar e, û zêdetirî 420 rojnamevan di dema ser kar de bi pileyên cûda birîndar bûne. Her wiha destnîşan kir ku 50 rojnamevan esîr hatine girtin û rastî îşkenceyê hatine, û tekez kir ku ev yek îxlalkirinek eşkere ya hemû peymanên navneteweyî yên parastina rojnamevanan di şerên çekdarî de ye. (ÎLKHA)