Berdevkê Hamasê Hazim Qasim got ku ew ji bo derbasbûna merhaleya duyemîn a peymana agirbestê bi navbeynkaran re cîddî ne.

Qasim got ku hebûna şandeya tevgerê li Qahîreyê delîl e ku Hamas ji bo derbasbûna merhaleya duyemîn a peymana agirbestê bi navbeynkaran re cîddî ye.

Qasim diyar kir ku rêyên merhaleya duyemîn tevlihev bûn, û tekez kir ku tevgerê tevî îxlalkirin û êrîşên rejîma îşxalker jî tiştê ku jê dihat hêvîkirin kir.

Qasim hişyarî da ku îxlalkirinên berdewam ji teref îşxalkeran ve dikarin peymana agirbestê têk bibin, û destnîşan kir ku tevgerê ev xal ji navbeynkaran re di danûstandinên Qahîreyê de eşkere kiriye.

Derbarê hêzên navneteweyî de, Qasim tekez kir ku divê erkê wan ew be ku nifûsa bêparastin ji artêşa îşxalker a ku êrîşên xwe didomîne veqetînin.

Berdevkê HAMASê Qasim destnîşan kir ku îşxalkirin her roj berdewam dike da ku "xeta zer" li Xezzeyê were rakirin.

Şandeyeke payebilind ji Hamasê li Qahîreyê ye da ku bi rayedarên Misrî re bicive da ku li ser rêbazên merhaleya duyemîn a peymana agirbestê li Şerîda Xezzeyê nîqaş bikin.

Tahir el-Nunu, yek ji rêberên tevgerê, ragihand ku "şandeyeke serokatiyê bi serokatiya Xelîl el-Heyya hatiye Qahîreyê da ku bi rayedarên îstîxbarata Misrê re li ser îxlalkirinên dagirkeriyê yên berdewam û îxlalkirina peymana agirbestê hevdîtinên girîng bike."

Li gorî Nunu, di hevdîtinan de "her wiha armanc ew e ku li ser rêbazên destpêkirina danûstandinan li ser merhaleya duyemîn a peymana agirbestê ya di navbera Hamas û îsraîlê de, ku di 10ê Cotmehê de ket meriyetê, nîqaş bikin."

El-Nunu diyar kir ku şandeya tevgerê hûrgiliyên îxlalkirin û sûcên ku ji aliyê îşxalkeran ve hatine kirin ji rayedarên peywendîdar ên li Misrê re ragihandiye.

Ji dema ku di 10ê Cotmehê de peymana agirbestê hat îmzekirin ve, hêzên dagirker bi sedan îxlalkirin kirine, di encamê de 342 şehîd û 871 birîndar bûne.

Ev peyman diviyabû şerê qirkirinê yê rejîma îşxalker bi dawî bikira, ku ji 7ê Cotmeha 2023an vir ve bûye sedema nêzîkî 70.000 şehîdan, 171.000 birîndaran û wêrankirineke mezin ku tesîr li ser ji sedî 90ê binesaziya sivîl a Şerîda Xezzeyê kiriye. (ÎLKHA)