Rejima îşxalker êrîşên xwe yên li dijî Xezze û Xan Yûnisê bênavber didomîne. Ji doh heta îro ve di êrîşên asîmanî de 47 Filistînî şehîd bûn, gelek kes jî birîndar bûn.

Serê ewil, ÎHAyekî Taxa el-Tuffahê hedef girt. Di vê êrîşê de 8 kes şehîd bûn, gelek kes jî birîndar bûn.

Xeyn ji vêya li dijî bajaroka Abasan el-Kebîraya ku li rojhilata Xan Yûnisê ye jî êrîş hat lidarxistin, di wê êrîşê de jî Filistînîyekî şehîd bû.

Li orta Xezzeyê jî êrîşek hat lidarxistin, di êrîşa ku li dijî malekî hat lidarxistin de 7 kes hatin qetilkirin.

Sîyonîstên îşxalker li rojavaya Xan Yûnisê ji herêma ku penaber lê dijîn re, êrîşeke asîmanî li dar xistin, di encama wê êrîşê de 2 kesên dinê jî şehîd bûn, gelek kes jî birîndar bûn. Mirovên birîndar ji Nexweşxaneya Şîfaya Filistînê re hatin rakirin.

Di bomberdmana ku Ceddeya El Sîkkaya Taxa Zeytûnê hat hedefgirtin de jî 3, di êrîşa ku li Taxa Tuffahê li dijî malekî hat lidarxistin de jî 3 Filistînî şehîd bûn.

Ji bajara Deyr Balahê re êrîşek asîmanî hat lidarxistin, di êrîşê de 5 Filistînî hat qetilkirin.

Li Xan Yûnisê jî konekî hat hedefgirtin, di êrîşê de sê jê zarok yek jê pîrek 8 kes şehîd bûn.

Bi tevî van êrîşan ji 7ê Cotmeha 2023yan vir ve 52 hezar û 243 Filistînî li Xezzeyê şehîd bûn, 117 hezar û 639 Filistînî jî birîndar bûn.

Tê diyarkirin ku ev hêjma hindik e û hêna jî gelek şehîd di bin kavilan da ne. (ÎLKHA)